ഡല്‍ഹി: രാജ്യത്ത് പ്ലാസ്റ്റിക്ക് കറന്‍സി ഇറക്കാനുള്ള ആര്‍.ബി.ഐയുടെ നിര്‍ദേശത്തിന്  
കേന്ദ്ര ധനമന്ത്രാലയത്തിന്റെ അംഗീകാരം. പരീക്ഷണാടിസ്ഥാനത്തില്‍ ആദ്യം ഇറക്കുക 10രൂപയുടെയും 20 രൂപയുടെയും നൂറ് കോടി പോളിമര്‍ നോട്ടുകള്‍ ആയിരിക്കും. 

പോളിമര്‍ നോട്ടിന്റെ വ്യാജന്‍ ഉണ്ടാക്കാന്‍ പ്രയാസമാണെന്നതും നേട്ടമാണ്. പ്ലാസ്റ്റിക് ആയതിനാല്‍ കൂടുതല്‍ സുരക്ഷാ ഫീച്ചറുകളും പ്രത്യേക മഷികളും ഉള്‍കൊള്ളിക്കാമെന്നാണ് കേന്ദ്രസര്‍ക്കാറിന്റെ വിലയിരുത്തല്‍. പഠനങ്ങള്‍ അനുസരിച്ച് പ്ലാസ്റ്റിക് നോട്ടുകളുടെ ആയുസ്സ് കടലാസ് നോട്ടുകളേക്കാള്‍ വളരെ കൂടുതലണെന്ന് ആര്‍.ബി.ഐ ധനമന്ത്രാലയത്തെ അറിയിച്ചിരുന്നു.

നോട്ടുകള്‍ അച്ചടിക്കുന്നതിനായി 3.4 കോടി പോളിമര്‍ ഷീറ്റുകള്‍ ലഭ്യമാക്കുന്നതിന് ആര്‍.ബി.ഐയുടെ ഉടമസ്ഥതയിലുള്ള ഭാരതീയ റിസര്‍വ് ബാങ്ക് നോട്ട് മുദ്രണ്‍ പ്രൈവറ്റ് ലിമിറ്റഡ് ജൂലൈ 17-ന് ആഗോള ടെന്‍ഡര്‍ ക്ഷണിച്ചിരുന്നു.

1998 ല്‍ ആസ്‌ട്രേലിയയാണ് ആദ്യമായി പ്ലാസ്റ്റിക് നോട്ട് പുറത്തിറക്കിയത്. നിലവില്‍ 50 അധികം രാജ്യങ്ങളില്‍ ഉപയോഗിക്കുന്നുണ്ട്.