തിരുവനന്തപുരം: മെയ് മാസത്തെ സാമൂഹ്യസുരക്ഷ, ക്ഷേമനിധി പെന്‍ഷന്‍ ഈ മാസം 25 മുതൽ വിതരണം ചെയ്യും. 62 ലക്ഷത്തോളം പേര്‍ക്കാണ് 2000 രൂപവീതം ലഭിക്കുന്നത്. ഇതിനായി 1070 കോടി രൂപ അനുവദിച്ചതായി മുഖ്യമന്ത്രി അറിയിച്ചു. എന്നാൽ, ക്ഷേമ പെന്‍ഷന്‍ 3000 രൂപയാക്കി ഉയര്‍ത്തും എന്നായിരുന്നു യുഡിഎഫിന്റെ പ്രധാന തെരഞ്ഞെടുപ്പ് വാ​ഗ്ദാനങ്ങളിലൊന്ന്.

അതേസമയം, മറ്റൊരു തെരഞ്ഞെടുപ്പ് വാ​ഗ്ദാനമായ കെ.എസ്.ആർ.ടി.സി ബസുകളിൽ സ്ത്രീകൾക്കായി പ്രഖ്യാപിച്ച സൗജന്യ യാത്രാ പദ്ധതി യാഥാർത്ഥ്യമാക്കാനുള്ള നീക്കങ്ങളുമായി സർക്കാർ മുന്നോട്ട് പോകുകയാണ്. പദ്ധതിയുടെ നടത്തിപ്പ് ചർച്ച ചെയ്യുന്നതിനായി സർക്കാർ നാളെ ഉന്നത ഉദ്യോഗസ്ഥരുടെ യോഗം വിളിച്ചു ചേർത്തിട്ടുണ്ട്. ഓർഡിനറി, ലിമിറ്റഡ് സ്റ്റോപ്പ് ബസുകൾക്ക് പുറമെ ഫാസ്റ്റ് പാസഞ്ചറുകളിലും സ്ത്രീകൾക്ക് സൗജന്യ യാത്ര അനുവദിക്കാനാണ് നിലവിൽ സർക്കാർ ആലോചിക്കുന്നത്.

ALSO READ: തമിഴ്‌നാട്ടിൽ വ്യാഴാഴ്ച മന്ത്രിസഭാ വിപുലീകരണം; 59 വർഷങ്ങൾക്ക് ശേഷം കോൺഗ്രസിന് മന്ത്രിസ്ഥാനം; എഐഎഡിഎംകെ വിമതരുടെ കാര്യത്തിൽ സസ്പെൻസ്!

കെ.എസ്.ആർ.ടി.സിയെ ആശ്രയിക്കുന്ന സ്ത്രീ യാത്രക്കാരുടെ എണ്ണത്തെക്കുറിച്ച് സർക്കാർ നേരത്തെ കണക്കെടുപ്പ് നടത്തിയിരുന്നു. ഇത് പ്രകാരം പ്രതിദിനം പന്ത്രണ്ട് ലക്ഷത്തോളം സ്ത്രീകൾ കെ.എസ്.ആർ.ടി.സിയിൽ യാത്ര ചെയ്യുന്നുണ്ടെന്നാണ് ഏകദേശ കണക്ക്.