തിരുവനന്തപുരം: സംസ്ഥാന പൊലിസ് സേനയിൽ വൻ അഴിച്ചുപണിക്ക് തുടക്കമിട്ട് ആഭ്യന്തര വകുപ്പ്. പൊലിസ് ഓഫിസേഴ്സ് അസോസിയേഷന്റെ ഉന്നത നേതാക്കളെ സ്ഥലം മാറ്റി ഡിജിപി ഉത്തരവിറക്കി. അസോസിയേഷൻ സംസ്ഥാന പ്രസിഡന്റ് പ്രശാന്ത്, ജനറൽ സെക്രട്ടറി സി. ആർ. ബിജു എന്നിവരെയാണ് സ്ഥലം മാറ്റിയത്. കഴിഞ്ഞ പത്ത് വർഷത്തോളമായി യൂണിഫോം ധരിക്കാതെ സ്പെഷ്യൽ ബ്രാഞ്ചിൽ മാത്രം സേവനമനുഷ്ഠിച്ചിരുന്ന ഇവരെ ഇപ്പോൾ ക്രമസമാധാന ചുമതലയിലേക്കാണ് മാറ്റിയിരിക്കുന്നത്.

ALSO READ: മന്ത്രി കെ.എം. ഷാജിക്കെതിരെ വാട്‌സ്ആപ്പ് ഗ്രൂപ്പിൽ അധിക്ഷേപം; കാസർകോട് പൊലിസ് ഉദ്യോഗസ്ഥനെതിരെ നടപടിക്ക് നീക്കം

ഇടത് അനുകൂല സംഘടനാ നേതാവായ പ്രശാന്ത് ഒരു പതിറ്റാണ്ടായി സ്പെഷ്യൽ ബ്രാഞ്ചിലായിരുന്നു. മുഖ്യമന്ത്രിയുടെ ഔദ്യോഗിക വസതിയായ ക്ലിഫ് ഹൗസിന്റെ സുരക്ഷാച്ചുമതല കൂടി ഉൾപ്പെടുന്ന തിരുവനന്തപുരം മ്യൂസിയം എസ്.എച്ച്.ഒ (S.H.O) ആയാണ് ഇദ്ദേഹത്തിന്റെ പുതിയ നിയമനം. അതേസമയം, അസോസിയേഷൻ ജനറൽ സെക്രട്ടറി സി. ആർ ബിജുവിനെ കൊച്ചി സിറ്റിയിലേക്കാണ് മാറ്റി നിയമിച്ചിരിക്കുന്നത്.