കുവൈത്ത് സിറ്റി: ഈദുൽ അദ്ഹാ ബലികർമ്മങ്ങൾക്കായി രാജ്യത്തെ അംഗീകൃത കശാപ്പുശാലകൾ പൂർണ്ണസജ്ജമാണെന്ന് പബ്ലിക് അതോറിറ്റി ഫോർ ഫുഡ് ആൻഡ് ന്യൂട്രിഷൻ അറിയിച്ചു. പെരുന്നാൾ ദിവസങ്ങളിലുടനീളം തടസ്സമില്ലാതെ സേവനം ഉറപ്പാക്കുന്നതിനായി എല്ലാ ഗവർണറേറ്റുകളിലുമുള്ള കേന്ദ്ര കശാപ്പുശാലകളിൽ പ്രത്യേക ക്രമീകരണങ്ങൾ പൂർത്തിയാക്കിയതായി സ്ലോട്ടർഹൗസ് ഡിപ്പാർട്ട്മെന്റ് ഡയറക്ടർ മുഹമ്മദ് അൽ സലേം വ്യക്തമാക്കി.

കുവൈത്ത് സിറ്റി ഉൾപ്പെടുന്ന കാപിറ്റൽ (അൽ അസിമ), അഹമ്മദി, ജഹ്‌റ, ഫർവാനിയ ഗവർണറേറ്റുകളിലെ പ്രധാന കശാപ്പുശാലകൾക്ക് പുറമെ, തെക്കൻ മേഖലകളിലെ താമസക്കാരുടെ സൗകര്യത്തിനായി സബാഹ്  അൽ അഹ്മദ് സിറ്റിയിൽ താൽക്കാലിക കശാപ്പുശാലയും സജ്ജീകരിച്ചിട്ടുണ്ട്.

പ്രവർത്തന സമയം

പെരുന്നാൾ ഒന്നാം ദിവസം: നമസ്കാരത്തിന് ശേഷം മുതൽ വൈകുന്നേരം 6 മണിവരെ
രണ്ടാം ദിവസം മുതൽ: രാവിലെ 6 മണി മുതൽ വൈകുന്നേരം 6 മണിവരെ ശുചീകരണവും സുരക്ഷയും

കശാപ്പ് ഹാളുകൾ ഓരോ ആറു മണിക്കൂറിലും അണുവിമുക്തമാക്കും. ആരോഗ്യസുരക്ഷ ഉറപ്പാക്കാൻ വെറ്ററിനറി ഡോക്ടർമാരെയും സാങ്കേതിക സംഘങ്ങളെയും വിന്യസിച്ചതായി അധികൃതർ അറിയിച്ചു.

Kuwait’s authorized slaughterhouses are fully prepared for Eid Al-Adha sacrifices, according to the Public Authority for Food and Nutrition. Central abattoirs across Capital, Ahmadi, Jahra, and Farwaniya governorates, along with a temporary facility in Sabah Al-Ahmad City, will operate throughout the Eid holidays with strict health and safety measures in place.