കൊച്ചി:സര്‍ക്കാരിന്റെ പ്രിയദര്‍ശിനി സൗജന്യ ബസ് യാത്രാ പദ്ധതിക്കെതിരെ നല്‍കിയ പൊതുതാല്‍പര്യ ഹരജി ഹൈക്കോടതി തള്ളി. പദ്ധതിയിലെ ഭരണഘടനാവിരുദ്ധത ചൂണ്ടിക്കാട്ടാന്‍ ഹരജിക്കാരനായില്ലെന്ന് കോടതി വ്യക്തമാക്കി. കഴിഞ്ഞ ദിവസം ഹൈക്കോടതിയുടെ പരിഗണനയില്‍ വന്ന ഹരജി വിധി പറയാനായി ഇന്നത്തേക്ക് മാറ്റുകയായിരുന്നു. 

സ്ത്രീകള്‍ക്ക് സൗജന്യ യാത്ര അനുവദിക്കുന്നതിലൂടെ ലിംഗാടിസ്ഥാനത്തിലുള്ള വേര്‍തിരിവാണ് സര്‍ക്കാര്‍ നടത്തുന്നതെന്ന് ഹരജിയില്‍ ആരോപിച്ചിരുന്നു. ഭരണഘടന ഉറപ്പുനല്‍കുന്ന തുല്യതക്കുള്ള അവകാശമായ 14, 15 അനുച്ഛേദങ്ങളുടെ ലംഘനം ഉണ്ടെന്നും ഹരജിക്കാന്‍ ആരോപിച്ചിരുന്നു. പദ്ധതി രാഷ്ട്രീയ നേട്ടത്തിനായുള്ള തെരഞ്ഞെടുപ്പ് വാഗ്ദാനമെന്നായിരുന്നു ഹരജിക്കാരന്റെ വാദം. 

അതേസമയം, കെ.എസ്.ആര്‍.ടി.സിയിലെ സൗജന്യയാത്രാ പദ്ധതി ഗുണഭോക്താക്കളില്‍ 10 ശത മാനം പേര്‍ക്ക് മികച്ച വരുമാന മുണ്ടെന്നതിനാല്‍ പദ്ധതി റദ്ദാക്കണമെന്ന് പറയാനാവില്ലെന്ന് ഹൈക്കോടതി നേരത്തെ നിരീക്ഷിച്ചിരുന്നു. പദ്ധതിയുടെ ഗുണഭോക്താക്കള്‍ അടിസ്ഥാനപരമായി തൊഴിലാളി വിഭാഗത്തില്‍ നിന്നുള്ളവരാണെന്നും കോടതി നിരീക്ഷിച്ചു.

The Kerala High Court has dismissed a petition seeking the discontinuation of the free travel benefit under the Priyadarshini Scheme, allowing the welfare initiative to continue. The court found no grounds to interfere with the scheme, which aims to provide transportation benefits to eligible beneficiaries.