കുവൈത്ത് സിറ്റി: വേനൽക്കാലത്തെ ചൂട് പരിഗണിച്ച് സർക്കാർ സ്ഥാപനങ്ങളിലെ ഔദ്യോഗിക ജോലി സമയം ദിവസവും ആറു മണിക്കൂറായി കുറച്ച് കുവൈത്ത് സിവിൽ സർവീസ് കമ്മീഷൻ ഉത്തരവിറക്കി. ജൂൺ 1 മുതൽ ഓഗസ്റ്റ് 31 വരെയാണ് പുതിയ സമയക്രമം പ്രാബല്യത്തിൽ വരിക.
2026 മെയ് 14-ന് ചേർന്ന സിവിൽ സർവീസ് കൗൺസിൽ യോഗത്തിലെ തീരുമാനത്തിന്റെ അടിസ്ഥാനത്തിലാണ് പുതിയ സർക്കുലർ പുറത്തിറക്കിയത്. രാവിലെ ഷിഫ്റ്റിൽ പ്രവർത്തിക്കുന്ന സർക്കാർ ഓഫീസുകളിൽ ഒരു മണിക്കൂർ ജോലി സമയം കുറയ്ക്കും. നിലവിലുള്ള ഗ്രേസ് പീരിയഡ് സംവിധാനം തുടരും.

ഫ്ലെക്സിബിൾ വർക്ക് സിസ്റ്റം പിന്തുടരുന്ന സ്ഥാപനങ്ങളിലെ ജീവനക്കാർക്ക് രാവിലെ 7 മുതൽ 8 വരെ ജോലിയിൽ പ്രവേശിക്കാം. പ്രവേശിക്കുന്ന സമയത്തിൽ നിന്ന് ആറു മണിക്കൂർ ജോലി പൂർത്തിയാക്കണമെന്ന വ്യവസ്ഥ തുടരും.

വൈകുന്നേര ഷിഫ്റ്റ് ജോലി സമയം വൈകിട്ട് 5 മണിക്ക് മുമ്പ് ആരംഭിക്കരുതെന്നും 30 മിനിറ്റ് ഗ്രേസ് പീരിയഡ് അനുവദിക്കുമെന്നും സർക്കുലറിൽ പറയുന്നു. വനിതാ ജീവനക്കാർക്ക് നിലവിലുള്ള 15 മിനിറ്റ് അധിക ഗ്രേസ് സൗകര്യവും തുടരും.

Kuwait’s Civil Service Commission (CSC) has announced a reduction in official working hours for government employees during the summer season. Under the new directive, employees working in the morning shift system will work six hours per day instead of seven.
The decision was approved during the Civil Service Council meeting held on May 14, 2026, and will take effect from June 1 until August 31, 2026. Flexible working hours employees will be allowed to report between 7:00 a.m. and 8:00 a.m., completing six working hours from their arrival time.