കോഴിക്കോട്: കടുത്ത ചൂടും കുടിവെള്ളക്ഷാമവും അനുഭവപ്പെടുന്ന പശ്ചാത്തലത്തിൽ മഴക്കു വേണ്ടി പ്രത്യേക പ്രാർത്ഥന നടത്താൻ സമസ്ത കേരള ജംഇയ്യത്തുൽ ഉലമ പ്രസിഡൻറ് സയ്യിദ് മുഹമ്മദ് ജിഫ്രി മുത്തുക്കോയ തങ്ങളും ജനറൽ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാരും  അഭ്യർഥിച്ചു. ഇസ്‌റാഈൽ ക്രൂരതയിൽ ദുരിതമനുഭവിക്കുന്ന മനുഷ്യർക്ക് വേണ്ടിയും എല്ലാവരും പ്രാർഥന നടത്തണമെന്ന് ഇരുവരും അഭ്യർഥിച്ചു.

എല്ലാ നിസ്കാരങ്ങൾക്ക് ശേഷവും പ്രത്യേകിച്ച് റമദാനിലെ ഒറ്റയിട്ട രാവുകളിലും പെരുന്നാൾ നിസ്കാര ശേഷവും പ്രാർത്ഥന നടത്തണമെന്ന് സയ്യിദ് മുഹമ്മദ് ജിഫ്രി മുത്തുക്കോയ തങ്ങളും പ്രൊഫ. കെ. ആലിക്കുട്ടി മുസ്‌ലിയാരും പ്രസ്താവനയിൽ അറിയിച്ചു.