ആലപ്പുഴ: അമ്മയെ പരിചരിക്കുന്നില്ലെന്ന പരാതി അന്വേഷിക്കാനെത്തിയ വനിതാ ശിശുക്ഷേമ ഉദ്യോഗസ്ഥയ്ക്ക് മര്‍ദ്ദനം. 
ആലപ്പുഴ വനിതാ ശിശു ക്ഷേമ ഉദ്യോഗസ്ഥ മായയ്ക്കാണ് മര്‍ദ്ദനമേറ്റത്. സംഭവത്തില്‍ സിപിഎം തുറവൂര്‍ ഹൈസ്‌കൂള്‍ വാര്‍ഡ് ബ്രാഞ്ച് സെക്രട്ടറി പ്രസന്ന കുമാറാണ് അറസ്റ്റില്‍.

തങ്ങളുടെ അമ്മയെ കൂടെയുള്ള മകന്‍ പ്രസന്നകുമാര്‍ വേണ്ടവിധം പരിചരിക്കുന്നില്ലെന്ന് ചുണ്ടിക്കാട്ടി രണ്ട് ദിവസം മുമ്പാണ് മറ്റ് രണ്ട് മക്കള്‍ വനിത ശിശുവികസന വകുപ്പില്‍ പരാതി നല്‍കിയത്. ഇത് അന്വേഷിക്കാനാണ് മായ പോയത്. ഉദ്യോഗസ്ഥ വീട്ടിലെത്തിയപ്പോള്‍ കിടപ്പ് രോഗിയായ അമ്മ മാത്രമാണ് വീട്ടില്‍ ഉണ്ടായിരുന്നത്. അവരോട് വിവരങ്ങള്‍ ചോദിച്ചറിയുന്നതിനിടയില്‍ വീട്ടിലേക്ക് കയറി വന്ന മകന്‍ ഉദ്യോഗസ്ഥയെ ക്രൂരമായി മര്‍ദിക്കുകയായിരുന്നു.

ഓടി രക്ഷപ്പെടാന്‍ ശ്രമിക്കുമ്പോഴും കാറില്‍ കയറാന്‍ നോക്കുമ്പോഴും ഉദ്യോഗസ്ഥയെ ഇയാള്‍ ആക്രമിച്ചു. സംഭവത്തില്‍ ഡിജിപിയോട് കര്‍ശന നടപടിക്ക് നിര്‍ദേശം നല്‍കിയിട്ടുണ്ടെന്ന് വനിത ശിശുവികസന വകുപ്പ് മന്ത്രി ബിന്ദു കൃഷ്ണ പറഞ്ഞു.