മലപ്പുറം: കോട്ടക്കല്‍ ആസ്ഥാനമായി പ്രവര്‍ത്തിക്കുന്ന ഫീനിക്‌സ് ഫൗണ്ടേഷന്റെ യു.എ ബീരാന്‍ സ്മാരക പുരസ്‌കാരം പ്രഖ്യാപിച്ചു. സാഹിത്യ രംഗത്ത് പി സുരേന്ദ്രനും ജീവകാരുണ്യ പ്രവര്‍ത്തനത്തിന് പെരിന്തല്‍മണ്ണയിലെ സീനാ ഷാനവാസിനുമാണ് അവാര്‍ഡ്. 10001 രൂപയും ഫലകവും പ്രശംസാ പത്രവുമടങ്ങുന്ന അവാര്‍ഡ് 18ന് രാവിലെ ഒന്‍പതിന് മലപ്പുറം ഹില്‍ഫോര്‍ട്ട് ഓഡിറ്റോറിയത്തില്‍ നടക്കുന്ന ചടങ്ങില്‍ വിതരണം ചെയ്യും. എന്‍ കെ ഹഫ്‌സല്‍ റഹ്മാന്‍ രചിച്ച 'അല്ലാമ ഇക്ബാല്‍ കവിതയും ജീവിതവും' പുസ്തക പ്രകാശനവും ചടങ്ങില്‍ നടക്കും.