കൊച്ചി: കൊച്ചി കലൂരില്‍ പെണ്‍കുട്ടികള്‍ക്ക് നേരെ റോഡില്‍ വച്ച് അതിക്രൂരമായ ആക്രമണം. ഇന്ന് പുലര്‍ച്ചെ നാലരയോടെയാണ് സംഭവം നടന്നത്. വഴിയിലൂടെ നടന്നു പോവുകയായിരുന്ന യുവതികളെ അധിക്ഷേപിച്ചത് ചോദ്യം ചെയ്തതിനാണ് ഒരു സംഘം ആളുകള്‍ ചേര്‍ന്ന് ഇവരെ ക്രൂരമായി മര്‍ദിച്ചത്. പരിക്കേറ്റ പെണ്‍കുട്ടികളില്‍ ഒരാളെ ഗുരുതരാവസ്ഥയില്‍ എറണാകുളം ജനറല്‍ ആശുപത്രിയില്‍ പ്രവേശിപ്പിച്ചു.

പുലര്‍ച്ചെ താമസസ്ഥലത്തേക്ക് നടന്നു പോവുകയായിരുന്ന പെണ്‍കുട്ടികളെ വഴിയില്‍ തമ്പടിച്ചിരുന്ന സംഘം തടഞ്ഞു നിര്‍ത്തുകയും ലൈംഗികമായി അധിക്ഷേപിക്കുകയുമായിരുന്നു. ഇത് ചോദ്യം ചെയ്യാനും ദൃശ്യങ്ങള്‍ മൊബൈല്‍ ഫോണില്‍ പകര്‍ത്താനും ശ്രമിച്ചതോടെ അക്രമിസംഘം യുവതിയുടെ കൈ തിരിച്ചു പിടിച്ച് ഫോണ്‍ തട്ടിയെടുത്ത് നിലത്തടിച്ചുടച്ചു. തുടര്‍ന്ന് യുവതിയെ റോഡിലേക്ക് തള്ളിയിട്ട് നെഞ്ചിലും വയറിലും ബൂട്‌സ് ധരിച്ച കാലുകള്‍ കൊണ്ട് ക്രൂരമായി ചവിട്ടി പരിക്കേല്‍പ്പിക്കുകയായിരുന്നുവെന്ന് പരാതിയില്‍ പറയുന്നു.

A young woman was seriously injured and hospitalised in Kochi after a group of men brutally assaulted her for questioning their lewd comments and attempting to film the harassment.