കോഴിക്കോട്: കുറ്റ്യാടി പുഴയില്‍ അമ്മയും, മകനും ഒഴുക്കില്‍പ്പെട്ടു. അമ്മ രമ്യ (36) മരിച്ചു. മകന്‍ ഏഴു വയസുകാരന്‍ ശിവനന്ദന് വേണ്ടി തിരച്ചില്‍ തുടരുകയാണ്. 

തോട്ടത്താംകണ്ടി ഭാഗത്താണ് രമ്യയും കുഞ്ഞും ഒഴുക്കില്‍പ്പെട്ടത്. മകനോടൊപ്പം തുണിയലക്കാന്‍ വേണ്ടിയാണ് രമ്യ തീരത്തേക്ക് പോയത്. 

മകന്‍ കാല്‍ വഴുതി പുഴയിലേക്ക് വീണതോടെ രക്ഷപ്പെടുത്താന്‍ രമ്യ എടുത്ത് ചാടുകയായിരുന്നു. തുടര്‍ന്ന് ഇരുവരും ഒഴുക്കില്‍പ്പെട്ടെന്നുമാണ് വിവരം. നാട്ടുകാര്‍ രമ്യയെ രക്ഷപ്പെടുത്തി കുറ്റ്യാടി ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. നാട്ടുകാരും ഫയര്‍ഫോഴ്‌സും ചേര്‍ന്ന് കുട്ടിക്കായി തിരച്ചില്‍ തുടരുകയാണ്.

mother and son were swept away in the kuttiady river.