കൊച്ചി: സംസ്ഥാനത്ത് സ്വര്‍ണവിലയില്‍ ഇന്നും വര്‍ധന. ഗ്രാമിന് 45 രൂപയും പവന് 360 രൂപയുമാണ് കൂടിയത്. യുദ്ധം അവസാനിക്കുമെന്ന പ്രതീക്ഷയിലാണ് കുതിപ്പെന്നാണ് നിരീക്ഷകര്‍ പറയുന്നത്. സമാധാന ഡീല്‍ ഉടനുണ്ടാകുമെന്ന റിപ്പോര്‍ട്ടുകള്‍ക്ക് പിന്നാലെ ക്രൂഡോയില്‍ വില ബാരലിന് 84-88 ഡോളറിലേക്ക് കൂപ്പുകുത്തിയിരുന്നു. ഇതോടെ ഡോളറും തകര്‍ന്നു. ഇത് പണപ്പെരുപ്പം കൂടുമെന്നും പലിശഭാരം ഉയരുമെന്നുമുള്ള ആശങ്കകള്‍ അവസാനിക്കുന്നതിനും കാരണമായെന്നും നിരീക്ഷകര്‍ ചൂണ്ടിക്കാട്ടുന്നു.

ഇന്നത്തെ വില
22 കാരറ്റ് സ്വര്‍ണം ഗ്രാമിന് രാവിലെ 45 രൂപ ഉയര്‍ന്ന് വില 13,665 രൂപയായി. 360 രൂപ ഉയര്‍ന്ന് 1,09,320 രൂപയാണ് പവന്‍വില.

24 കാരറ്റ്
ഗ്രാമിന് 50 രൂപ കൂടി 14,908
പവന് 400 രൂപ കൂടി 1,19,264

22 കാരറ്റ്
ഗ്രാമിന് 45 രൂപ കൂടി 13,665
പവന് 360 രൂപ കൂടി 1,09,320

18 കാരറ്റ്
ഗ്രാമിന് 37 രൂപ കൂടി 11,181
പവന് 296 രൂപ കൂടി 89,448

രാജ്യാന്തര വിലയും ഉയരുകയാണ്. ഔണ്‍സിന് 112.88 ഡോളര്‍ വര്‍ധിച്ച് 4210.9 ഡോളറിലാണ് ഇപ്പോഴുള്ളത്. അതേസമയം, യു.എസും ഇറാനും തമ്മില്‍ ഡീലില്‍ ഒത്തുതീര്‍പ്പിലെത്തിയില്ലെങ്കില്‍ വില ഉയരുമെന്നും നിരീക്ഷകര്‍ ചൂണ്ടിക്കാട്ടുന്നു. 

gold prices climbed sharply in kerala as market optimism surrounding a possible iran-us deal boosted global demand. the price of one pavan increased by rs 360 in the state.