ദുബൈ : അസമിലെ ജോർഹട്ട് എയർ ബേസിൽ ഇന്ത്യൻ വ്യോമസേനയുടെ എ.എൻ-32 (An-32) വിമാനം ലാൻഡ് ചെയ്യുന്നതിനിടെ തകർന്നുണ്ടായ അപകടത്തിൽ അഞ്ച് സൈനികർ വീരമൃത്യു വരിച്ച സംഭവത്തിൽ ഇന്ത്യക്ക് ഐക്യദാർഢ്യം പ്രഖ്യാപിച്ച് യു.എ.ഇ രംഗത്തെത്തി.

മരിച്ച സൈനികരുടെ കുടുംബാംഗങ്ങളുടെയും ബന്ധുക്കളുടെയും ദുഃഖത്തിൽ പങ്കുചേരുന്നതായും ഈ തീരാനഷ്ടത്തിൽ ഇന്ത്യക്കൊപ്പമാണെന്നും യു.എ.ഇ വിദേശകാര്യ മന്ത്രാലയം പ്രസ്താവനയിലൂടെ അറിയിച്ചു. ഇന്നലെ 

 രാവിലെയാണ് റൂട്ടീൻ സർവീസിനിടെ വിമാനം അപകടത്തിൽപ്പെട്ടത്. വിമാനത്തിലുണ്ടായിരുന്ന കോ-പൈലറ്റ് അത്ഭുതകരമായി രക്ഷപ്പെട്ടു. ഇദ്ദേഹം ചികിത്സയിലാണെന്ന് വ്യോമസേന അറിയിച്ചു. അപകടത്തിൽപ്പെട്ട സ്‌ക്വാഡ്രൺ ലീഡർ പ്രശാന്ത് സിംഗ്, ഫ്ലൈറ്റ് ലെഫ്റ്റനന്റ് ശുഭം കുമാർ, സർജന്റ് ജിതേന്ദ്ര ശർമ, അഗ്നിവീർ വായു ഖേമറാം കുമാവത്ത്, അഗ്നിവീർ വായു ഡാനിഷ് ആലം എന്നിവരാണ് വീരമൃത്യു വരിച്ചത്. സംഭവത്തിൽ വ്യോമസേന അന്വേഷണത്തിന് ഉത്തരവിട്ടിട്ടുണ്ട്.

English summary : The UAE expressed its solidarity with India after the crash of an Indian Air Force aircraft during landing in the state of Assam, which resulted in the deaths of a number of military personnel.

 Ministry of Foreign Affairs (Mofa) conveyed its sincere condolences and sympathy to the families and relatives of the victims, as well as to India over this tragic loss.