യുദ്ധം അവസാനിച്ചെന്നും ഇനി സമാധാനമെന്നും പ്രതീക്ഷ ഉയരുമ്പോള്‍ അതിനൊപ്പം തന്നെ സ്വര്‍ണവിലക്കുതിപ്പും പ്രവചിക്കുകയാണ് നിരീക്ഷകര്‍. ഏറ്റവും സുരക്ഷിതമായ നിക്ഷേപമാണ് സ്വര്‍ണം.

യുദ്ധവും പ്രകൃതിക്ഷോഭങ്ങളും മഹാമാരിയുമൊന്നും സ്വര്‍ണത്തിന്റെ മൂല്യത്തിന് ഇടിവുണ്ടാക്കുന്നില്ലെന്ന് നിരീക്ഷകര്‍ ചൂണ്ടിക്കാട്ടുന്നു.  ഒരു വര്‍ഷം കൊണ്ട് ഇരട്ടിയോളം വര്‍ധനയാണ് സ്വര്‍ണവിലയിലുണ്ടായത്. ഉക്രൈന്‍, ഗസ്സ ഉള്‍പെടെ സംഘര്‍ഷങ്ങളായിരുന്നു ഇതിന് പിന്നില്‍. എന്നാല്‍ ഇറാന്‍ യുദ്ധത്തിന്റെ അനിശ്ചിതത്വത്തിനിടയില്‍ അപ്രതീക്ഷിതമായ ചില ചലനങ്ങളാണ് സ്വര്‍ണവിലയിലുണ്ടായത്. നിരവധി തവണയാണ് സ്വര്‍ണവില ഗണ്യമായ നിലയില്‍ കുറഞ്ഞത്. 

ALSO READ: യു.എസ്- ഇറാന്‍ സമാധാന കരാര്‍; സ്വര്‍ണത്തിന് കുതിപ്പ്, ഓഹരി വിപണിയിലും ഉണര്‍വ്

സ്വര്‍ണം ഇനി കുതിക്കുമോ

ഇറാന്‍ യു.എസ് വെടിനിര്‍ത്തല്‍ കരാര്‍ സ്വര്‍ണത്തിന്റെ ഭാവി നിര്‍ണയിക്കുമെന്നാണ് നിരീക്ഷകര്‍ പറയുന്നത്.  കരാറിനെ  തുടര്‍ന്ന് ഹോര്‍മുസ് തുറന്നാല്‍ എണ്ണയുടെ വില വലിയ രീതിയില്‍ കുറയും. ജൂലൈ ആദ്യവാരത്തില്‍ ഹോര്‍മുസ് പൂര്‍ണമായും തുറക്കുകയാണെങ്കില്‍ എണ്ണവില സെപതംബറോടെ 70 ഡോളറിലെത്തുമെന്നാണ് പ്രവചനങ്ങള്‍.

എണ്ണവില കുയുന്നതോടെ പണപ്പെരുപ്പവും കുറയും. പണപ്പെരുപ്പം കുറഞ്ഞാല്‍ യു.എസ് കേന്ദ്രബാങ്കായ ഫെഡറല്‍ റിസര്‍വ് അടക്കമുള്ളവരുടെ പലിശനിരക്ക് കുറക്കും. പലിശനിരക്ക് കുറയുന്നതോടെ ബോണ്ട് നിക്ഷേപം ആകര്‍ഷകമല്ലാതാവുകയും സ്വര്‍ണം അതേറ്റെടുക്കുകയും ചെയ്യും.  ഇങ്ങനെയൊരു സാഹചര്യമുണ്ടായാല്‍ സ്വര്‍ണവില മുകളിലേക്ക് കുതിക്കാന്‍ തന്നെയാണ് സാധ്യതകളെന്നും നിരീക്ഷകര്‍ വ്യക്തമാക്കുന്നു.

with growing hopes of peace in the middle east, investors are closely watching gold prices. market analysts say easing geopolitical tensions could reduce safe-haven demand, but global economic factors will continue to influence the direction of gold rates.