പേരാമ്പ്ര: ചെമ്പ്ര റോഡ് ജങ്ഷനില്‍ പേരാമ്പ്ര എക്‌സൈസ് സംഘം നടത്തിയ പരിശോധനയില്‍ സ്‌കൂട്ടറില്‍ കടത്തുകയായിരുന്ന 5.5 ലിറ്റര്‍ വിദേശമദ്യം പിടികൂടി. തലയാട് സ്വദേശി വടക്കെ കേളോത്ത് ഹംസ(58)യാണു മദ്യവുമായി പിടിയിലായത്.
കക്കയം, തലയാട് ഭാഗത്തു വ്യാപകമായി വിദേശമദ്യം എത്തുന്നുണ്ടെന്ന വിവരത്തിന്റെ അടിസ്ഥാനത്തിലാണു പരിശോധന നടത്തിയത്. അസി. എക്‌സൈസ് ഇന്‍സ്‌പെക്ടര്‍ കെ. സോമസുന്ദരന്‍ നേതൃത്വം നല്‍കി. പ്രിവന്റിവ് ഓഫിസര്‍ എന്‍. സിറാജ്, ടി.കെ സുരേന്ദ്രന്‍, എം. സുനില്‍, എം.എം ഷൈലേഷ്‌കുമാര്‍, സി.പി ചന്ദ്രന്‍, എ.പി അനീഷ് കുമാര്‍, കെ. ഷൈജു, പി.ജെ ബേബി പങ്കെടുത്തു.