തിരുവനന്തപുരം: തമ്പാനൂര്‍ റെയില്‍വേ സ്റ്റേഷനില്‍ നിര്‍മാണ പ്രവര്‍ത്തനങ്ങള്‍ക്കിടെ ക്രെയിന്‍ റെയില്‍വേ ട്രാക്കിലേക്ക് മറിഞ്ഞു. റെയില്‍വേയുടെ പുതിയ കെട്ടിടത്തിന്റെ നിര്‍മാണം നടക്കുന്ന ഭാഗത്താണ് അപകടമുണ്ടായത്. ഒന്നാം നമ്പര്‍ പ്ലാറ്റ്‌ഫോമിന് മുകളിലേക്കാണ് ക്രെയിന്‍ മറിഞ്ഞത്. സംഭവത്തില്‍ ആളപായമില്ല.

പഴയ കെട്ടിടം പൊളിച്ചുമാറ്റി പുതിയ കെട്ടിടത്തിന്റെ നിര്‍മാണം പുരോഗമിക്കുന്നതിനിടെയാണ് അപകടം സംഭവിച്ചത്. ക്രെയിന്‍ മറിഞ്ഞതിനെ തുടര്‍ന്ന് ഒന്നാം നമ്പര്‍ പ്ലാറ്റ്‌ഫോമിലൂടെയുള്ള ട്രെയിന്‍ ഗതാഗതം തടസപ്പെട്ടു. മറ്റ് ട്രാക്കുകളിലൂടെയാണ് നിലവില്‍ ട്രെയിനുകള്‍ സര്‍വീസ് നടത്തുന്നത്.

ALSO READ: 'സംസ്ഥാന തെരഞ്ഞെടുപ്പ് കമ്മീഷണറായി സംഘിയെ നിയമിച്ചു'; യു.ഡി.എഫ് സര്‍ക്കാരിനെതിരേ കെ.ടി. ജലീല്‍ 

ക്രെയിന്‍ എത്രയും വേഗം നീക്കം ചെയ്യാനുള്ള നടപടികള്‍ പുരോഗമിക്കുകയാണെന്ന് റെയില്‍വേ അധികൃതര്‍ അറിയിച്ചു. മറ്റ് ട്രാക്കുകളിലൂടെ ട്രെയിനുകള്‍ ഓടുന്നതിനാല്‍ സര്‍വീസുകള്‍ക്ക് വലിയ തടസ്സമില്ലെന്നും അധികൃതര്‍ വ്യക്തമാക്കി.

A crane overturned onto the railway track during construction work at Thampanoor Railway Station. The accident occurred at the site where the railway's new building is being constructed. The crane fell onto Platform No. 1. No casualties were reported in the incident.