കോഴിക്കോട്: കോഴിക്കോട് പുതിയ ബസ് സ്റ്റാന്‍ഡില്‍ നിന്ന് 19 ഗ്രാം എം.ഡി.എം.എയുമായി രണ്ട് യുവാക്കളെ കസബ പൊലിസും ഡാന്‍സാഫ് സംഘവും ചേര്‍ന്ന് പിടികൂടി. ശനിയാഴ്ച രാവിലെ നടത്തിയ പരിശോധനയിലാണ് ഇവര്‍ പിടിയിലായത്.

കോഴിക്കോട് കൊളത്തറ റഹ്മാന്‍ ബസാര്‍ സ്വദേശികളായ ഷിബിലി റഹ്മാന്‍, സുഹൈല്‍ എന്നിവരാണ് അറസ്റ്റിലായത്. ഷിബിലി റഹ്മാന്‍ നേരത്തെയും ലഹരിമരുന്ന് കേസില്‍ പ്രതിയായിരുന്നുവെന്നും അന്ന് പൊലിസിനെ വെട്ടിച്ച് രക്ഷപ്പെട്ടിരുന്നുവെന്നും പൊലിസ് അറിയിച്ചു.

ALSO READ: കാഫിര്‍ സ്‌ക്രീന്‍ഷോട്ട് കേസ്: ജാമ്യത്തിലിറങ്ങിയ ജിതിന്‍ ഭാസ്‌കറിന് സി.പി.എം,ഡി.വൈ.എഫ്.ഐയുടെ സ്വീകരണം 

അതേസമയം, മലപ്പുറം പള്ളിക്കല്‍ ബസാര്‍ സ്വദേശി മുഹമ്മദ് വാഹിദിനെ ഒന്നര ഗ്രാം എം.ഡി.എം.എയുമായി എലത്തൂര്‍ പൊലിസും ഡാന്‍സാഫ് സംഘവും ചേര്‍ന്ന് പിടികൂടി. വാഹന പരിശോധനയ്ക്കിടെയാണ് ഇയാള്‍ കുടുങ്ങിയത്.

മുന്‍പ് ലഹരിമരുന്ന് കേസില്‍ ജയിലില്‍ കഴിഞ്ഞിരുന്ന മുഹമ്മദ് വാഹിദ് ജയില്‍ മോചിതനായ ശേഷവും ലഹരി വില്‍പ്പന തുടരുന്നതിനിടെയാണ് വീണ്ടും അറസ്റ്റിലായതെന്ന് പൊലിസ് അറിയിച്ചു. ഇരുകേസുകളിലും കൂടുതല്‍ അന്വേഷണം തുടരുകയാണ്.

Kasba police and the DANSAF team arrested two youths with 19 grams of MDMA from the new bus stand in Kozhikode. The arrests were made during an inspection carried out on Saturday morning.