ലഖ്‌നൗ: ഉത്തര്‍പ്രദേശിലെ ഗാസിയാബാദില്‍ ഏഴുവയസുകാരിയെ തട്ടിക്കൊണ്ടുപോയി ബലാത്സംഗം ചെയ്ത ശേഷം തലക്കടിച്ചു കൊന്നു. വെള്ളിയാഴ്ച്ചയാണ് സംഭവം. ബിഹാറില്‍ നിന്നുള്ള നിര്‍മാണ തൊഴിലാളികളുടെ കുഞ്ഞാണ് മരിച്ചത്. 

വീടിന് സമീപം കളിച്ചുകൊണ്ടിരുന്ന കുട്ടിയെ രണ്ടംഗ സംഘം തട്ടിക്കൊണ്ട് പോവുകയായിരുന്നു. തുടര്‍ന്ന് നിര്‍മാണത്തിലിരുന്ന മാളില്‍വെച്ച് ബലാത്സംഗം ചെയ്യുകയായിരുന്നു. 

ശനിയാഴ്ച്ചയാണ് കുട്ടിയുടെ മൃതദേഹം കണ്ടെത്തിയത്. കെട്ടിടത്തിന്റെ ബേസ്‌മെന്റില്‍ മരിച്ച നിലയില്‍ കുട്ടിയെ കണ്ടെത്തിയ നാട്ടുകാരാണ് പൊലിസിനെ വിവരമറിയിച്ചത്. പ്രതികള്‍ ഇരുമ്പ് കമ്പി കൊണ്ട് കുട്ടിയെ തലക്കടിച്ച് കൊന്നെന്നാണ് പോസ്റ്റ്‌മോര്‍ട്ടം റിപ്പോര്‍ട്ട്. കൊല്ലപ്പെടുന്നതിന് മുന്‍പ് കുട്ടി ബലാത്സംഗത്തിന് ഇരയായെന്നും റിപ്പോര്‍ട്ടില്‍ പറയുന്നു. 

സംഭവത്തില്‍ രണ്ടുപേരെ ഗാസിയാബാദ് പൊലിസ്  കസ്റ്റഡിയിലെടുത്തു. ഇതില്‍ ഒരാള്‍ക്ക് പ്രായപൂര്‍ത്തിയായിട്ടില്ലെന്നാണ് റിപ്പോര്‍ട്ട്. പ്രതികള്‍ക്കെതിരെ തട്ടിക്കൊണ്ടുപോകല്‍, ബലാത്സംഗം, കൊലപാതകം, പോക്‌സോ വകുപ്പുകള്‍ ചുമത്തിയതായി പൊലിസ് അറിയിച്ചു.