മുംബൈ: ശിവസേന(ഉദ്ധവ്  പക്ഷം) നേതാവ് വിനായക് റാവുത്തിന്റെ കുടുംബത്തിനെതിരെ പരാതിയുമായി മരുമകള്‍ ഗിരിജ റാവുത്ത്. ഭര്‍ത്താവിന്റെ വീട്ടില്‍ വെച്ച് ബലമായി ഗോമൂത്രം കുടിപ്പിച്ചെന്നും ആള്‍ദൈവങ്ങളെ സന്ദര്‍ശിക്കാന്‍ നിര്‍ബന്ധിച്ചുവെന്നുമാണ് പരാതി. ആള്‍ ദൈവങ്ങളുടെ മുന്നില്‍ വെച്ച് തന്റെ മുടി മുറിക്കാന്‍ ശ്രമിച്ചുവെന്നും യുവതി പരാതിയില്‍ പറയുന്നുണ്ട്. 

2008 മുതല്‍ 2022 വരെ ഇടയിലാണ് പീഡനങ്ങള്‍ നേരിടേണ്ടി വന്നത്. കഴിഞ്ഞ ഏഴ് വര്‍ഷമായി സാമൂഹികവും മാനസികവും വൈകാരികവുമായി പീഡനങ്ങള്‍ നേരിടുകയാണ്. അവര്‍ രാഷ്ട്രീയമായി സ്വാധീനമുള്ളവര്‍ ആയത് കൊണ്ടാണ് ഇത്രയും കാലം ഇത് പുറത്ത് പറയാതിരുന്നതെന്നും  ഭര്‍ത്താവിന്റെ വന്ധ്യത പ്രശ്‌നങ്ങള്‍ ചൂണ്ടിക്കാണിച്ചാണ് കുടുംബം തന്നെ മന്ത്രവാദികളുടെ അടുത്ത് കൊണ്ട് പോയതെന്നും ഗിരിജ മാധ്യമങ്ങളോട് വെളിപ്പെടുത്തി.

ശിവസേന നേതാക്കളായ വിനായക് റാവുത്ത്, ഭര്‍ത്താവ് ഗിതേഷ് റാവുത്ത്, ആള്‍ ദൈവങ്ങളായ ഫിറോസ് ബാബ, കാസി ബാബ എന്നിവര്‍ക്കെതിരെയാണ് പരാതിയുടെ അടിസ്ഥാനത്തില്‍ പൊലിസ് കേസെടുത്തത്.

എന്നാല്‍ മകനുമായുള്ള തര്‍ക്കത്തിന്റെ പേരില്‍ കൊടുത്ത വ്യാജ പരാതിയാണിതെന്നാണ് ശിവസേന നേതാവ് വിനായക് റാവുത്ത് പറയുന്നത്. വിവാഹ മോചനവുമായി ബന്ധപ്പെട്ട ജീവനാംശ നടപടികള്‍ ആരംഭിച്ചശേഷമാണ് ഇത്തരം ആരോപണങ്ങള്‍ ഉയര്‍ന്നതെന്നും അദ്ദേഹം കൂട്ടിച്ചേര്‍ത്തു.

Girija Raut, the daughter-in-law of Shiv Sena (Uddhav Balasaheb Thackeray faction) leader Vinayak Raut, has filed a complaint against his family. In her complaint, she alleges that she was forcibly made to drink cow urine at her husband's house and was pressured to visit godmen. The woman also claimed that they attempted to cut her hair in front of these godmen.