മലപ്പുറം: വര്‍ത്തമാന ഇന്ത്യയില്‍ വര്‍ധിച്ചുവരുന്ന ഫാഷിസ്റ്റ് കടന്നുകയറ്റങ്ങള്‍ക്കെതിരെ സാംസ്‌കാരിക പ്രതിരോധം അനിവാര്യമാണെന്ന് പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി പറഞ്ഞു. ഫിനിക്‌സ് ഫൗണ്ടേഷന്‍ ഏര്‍പ്പെടുത്തിയ യു.എ ബീരാന്‍ സ്മാരക പുരസ്‌കാരദാനചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഫിനിക്‌സ് ഫൗണ്ടേഷന്റെ പ്രഥമ യു.എ ബീരാന്‍ സ്മാരക പുരസ്‌കാരം സാഹിത്യകാരന്‍ പി.സുരേന്ദ്രനും ജീവകാരുണ്യ രംഗത്ത് മാതൃകാ പ്രവര്‍ത്തനം നടത്തുന്ന സീനാ ഷാനവാസിനും നല്‍കി. ചടങ്ങില്‍ അഡ്വ. കെ.എന്‍.എ ഖാദര്‍ അധ്യക്ഷനായി.
എ.പി അനില്‍ കുമാര്‍ എം.എല്‍.എ മുഖ്യാതിഥിയായി. കെ.പി.എ മജീദ് യു.എ ബീരാന്‍ സ്മാരക പ്രഭാഷണം നടത്തി. പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എ, കോട്ടക്കല്‍ മുനിസിപ്പല്‍ ചെയര്‍മാന്‍ കെ.കെ. നാസര്‍, ശംസുദ്ദീന്‍ തിരൂര്‍ക്കാട്, എന്‍. മൊയ്തീന്‍ കുട്ടി, യു.എ നസീര്‍, ഫിനിക്‌സ് ഫൗണ്ടേഷന്‍ പ്രസിഡന്റ് എന്‍.കെ ഹഫ്‌സല്‍ റഹ്മാന്‍, ജനറല്‍ സെക്രട്ടറി കെ.എം ശാഫി, ട്രഷറര്‍ കുരിക്കള്‍ മുനീര്‍, ഭാരവാഹികളായ എം.പി മുഹ്‌സിന്‍, ടി.ഷാജഹാന്‍, ടി.പി ഹാരിസ്, നിസാജ് എടപ്പറ്റ, സലീം വടക്കന്‍ സംസാരിച്ചു.