കരുനാഗപ്പള്ളി: ട്രെയിനിന്റെ വാതിലില്‍ നിന്ന് യാത്ര ചെയ്യുന്നതിനിടെ പുറത്തേക്കു തെറിച്ചു വീണ് യുവാവ് മരിച്ചു.
മാവേലിക്കര ഇറവന്‍കര മലമുറ്റത്ത് വീട്ടില്‍ ഗോപാലകൃഷ്ണന്‍ ലക്ഷ്മി ദമ്പതികളുടെ മകന്‍ വിഷ്ണു (25) ആണ് മരിച്ചത്.
കഴിഞ്ഞ ദിവസം രാത്രി എട്ടോടെ ഓച്ചിറ റെയില്‍വേ സ്റ്റേഷന് വടക്കുഭാഗത്തെ റെയില്‍വേ ഗേറ്റിന് സമീപത്തായിരുന്നു അപകടം. തിരുവനന്തപുരത്ത് നിന്ന് കോട്ടയം ഭാഗത്തേക്ക് പോയ വഞ്ചിനാട് എക്‌സ്പ്രസ്സില്‍ യാത്ര ചെയ്യുകയായിരുന്ന വിഷ്ണു വാതിലിന് സമീപത്ത് നിന്നു ട തെറിച്ചുവീഴുകയായിരുന്നു. റെയില്‍വേ ഗേറ്റ് കീപ്പറുടെ ബൈക്ക് സൂക്ഷിച്ചിരുന്നതിന് മുകളിലേക്കാണ് വീണത്. ഗുരുതരമായി പരുക്കേറ്റ യുവാവിനെ ഓച്ചിറയിലെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
പോക്കറ്റില്‍ നിന്നും ലഭിച്ചതിരിച്ചറിയല്‍ കാര്‍ഡില്‍ നിന്നാണ് ആളെ തിരിച്ചറിഞ്ഞത്. പാലക്കാട് അത്താണിയിലെ സ്വകാര്യ ആശുപത്രിയിലെ പാരാമെഡിക്കല്‍ സ്റ്റാഫാണ്.സഹോദരങ്ങള്‍: സൗമ്യ, സനീഷ്.