കല്‍പ്പറ്റ: എഫ്.ആര്‍.എഫ് സ്ഥാപക ചെയര്‍മാന്‍ എ.സി വര്‍ക്കിയുടെ നിര്യാണത്തില്‍ കിസാന്‍ ജനത ജില്ലാ കമ്മിറ്റി അനുശോചിച്ചു. നിരവധി കര്‍ഷക സമര പോരാട്ടങ്ങള്‍ക്ക് നേതൃത്വം നല്‍കിയ എ.സി വര്‍ക്കിയുടെ മരണം കര്‍ഷക ജനതക്ക് തീരാനഷ്ടമാണെന്ന് യോഗം അനുസ്മരിച്ചു. പ്രസിഡന്റ് വി.പി വര്‍ക്കി അധ്യക്ഷനായി. എന്‍.ഒ ദേവസ്യ, ഒ.ഇ കാസിം, കെ.കെ മുഹമ്മദ്കുട്ടി, കെ.കെ രവി, എം.സി രാധാകൃഷ്ണന്‍, എം.കെ ബാലന്‍, പി.വി വര്‍ദമാനന്‍, ജോസ് പനമട തുടങ്ങിയവര്‍ സംസാരിച്ചു.
കല്‍പറ്റ: എ.സി വര്‍ക്കിയുടെ നിര്യാണത്തില്‍ ആര്‍.എസ്.പി ലെനിനിസ്റ്റ് ജില്ലാ കമ്മിറ്റി അനുശോചിച്ചു. ജില്ലാ സെക്രട്ടറി ബെന്നി ചെറിയാന്‍, പി.ജെ ടോമി, കുര്യാക്കോസ് മാത്യു, ഷാലിന്‍ ജോര്‍ജ്, ബിജു റാട്ടക്കൊല്ലി, കാഞ്ഞായി മമ്മൂട്ടി, മേഴ്‌സി വര്‍ക്കി സംസാരിച്ചു.
പുല്‍പള്ളി: എഫ്.ആര്‍.എഫ് സംസ്ഥാന ചെയര്‍മാന്‍ എ.സി വര്‍ക്കിയുടെ നിര്യാണത്തില്‍ പുല്‍പള്ളി പ്രസ്‌ക്ലബ് അനുശോചിച്ചു. സി.ഡി ബാബു അധ്യക്ഷനായി. ബെന്നി മാത്യു, സാജന്‍ മാത്യു, ബാബു വടക്കേടത്ത്, പി.കെ രാഘവന്‍, ഗിരീഷ്, എന്‍.സി ബാബു, ബിന്ദു ബാബു, ശ്രാവണ്‍, അരുണ്‍, ജോബി എന്നിവര്‍ സംസാരിച്ചു.