തിരൂരങ്ങാടി: കണ്ടെയ്‌നര്‍ വാഹനം മമ്പുറം വലിയപള്ളിക്കു സമീപം നടുറോഡില്‍ കേടായതു കാരണം ഗതാഗതം സ്തംഭിച്ചു. ഇന്നലെ രാവിലെ പത്തോടെയായിരുന്നു സംഭവം. പരപ്പനങ്ങാടി ഭാഗത്തുനിന്നു കക്കാട് ഭാഗത്തേക്കു പോകുന്ന കണ്ടെയ്‌നര്‍ വഹിച്ചുള്ള വാഹനമാണ് മമ്പുറം തിരൂരങ്ങാടി വലിയപള്ളിക്കു സമീപം കേടായത്.
ഇതോടെ ചെമ്മാട്ട് ഏറെനേരം ഗതാഗതകുരുക്ക് അനുഭവപ്പെട്ടു. പള്ളിക്കു സമീപം ഇരുവശവും ഖബര്‍സ്ഥാന്‍ സ്ഥിതിചെയ്യുന്നതിനാല്‍ വീതികുറഞ്ഞ ഇവിടെ വണ്‍വേ സംവിധാനമാണ് നിലവിലുള്ളത്. ബസുകളടക്കം ബ്ലോക്ക്‌റോഡുവരെ പിന്നോട്ടെടുത്താണ് റൂട്ട് തിരിച്ചുവിട്ടത്. വാഹനം റിപ്പയറിങ് നടത്തി യാത്ര തുടരുന്നതുവരെ ബ്ലോക്ക്‌റോഡിലൂടെ മമ്പുറം ബൈപ്പാസ് വഴിയാണ് കക്കാട് ഭാഗത്തേക്കുള്ള വാഹനങ്ങള്‍ കടത്തിവിട്ടത്.
ദിനംപ്രതി ഗതാഗതകുരുക്കിനാല്‍ വീര്‍പ്പുമുട്ടുകയാണ് ചെമ്മാട് ടൗണ്‍.
അതിനിടെ കണ്ടെയ്‌നര്‍ കേടായതും ചെമ്മാട്ടങ്ങാടിയില്‍ ഗതാഗതക്കുരുക്കിന് കൂടുതല്‍ ആക്കംകൂട്ടി