വൈക്കം: ആര്‍ട്ട് ഓഫ് ലിവിംഗ് ഹാപ്പിനസ് വാരാചരണത്തിന്റെ ഭാഗമായി അക്ഷയ ലേണിംഗ് സെന്ററില്‍ ഇന്ന് നാഡീപരിശോധന ക്യാംപ് നടത്തും.
രാവിലെ ഒന്‍പത് മുതല്‍ വൈകുന്നേരം അഞ്ച് വരെ നടക്കുന്ന ക്യാംപില്‍ പ്രമേഹം, ഹൃദ്രോഗം, സന്ധിവേദന, ദഹനപ്രശ്‌നങ്ങള്‍, അലര്‍ജി, ത്വക്ക്, മുടി സംബന്ധമായ പ്രശ്‌നങ്ങള്‍, സംഘര്‍ഷം, രക്തസമ്മര്‍ദ്ദം, ഉറക്കമില്ലായ്മ തുടങ്ങിയ ആരോഗ്യ പ്രശ്‌നങ്ങളുടെ ചികിത്സക്ക് ശ്രീ ശ്രീ ആയുര്‍വേദയിലെ ഡോക്ടര്‍മാര്‍ നേതൃത്വം നല്‍കും.
ഭക്ഷണം കഴിക്കാതെയോ, ആഹാരശേഷം മൂന്നുമണിക്കൂര്‍ കഴിഞ്ഞോ ആണ് പരിശോധനയ്ക്ക് വിധേയരാകേണ്ടത്. പങ്കെടുക്കാന്‍ ആഗ്രഹിക്കുന്നവര്‍ മുന്‍കൂട്ടി പേര് രജിസ്റ്റര്‍ ചെയ്യണം. ഫോണ്‍: 04829 233519, 9847128126.