കല്‍പ്പറ്റ: ഹിദായത്തുല്‍ ഇസ്‌ലാം മദ്‌റസ യു.പി സ്‌കൂളില്‍ സ്‌നേഹ പൂര്‍വം സുപ്രഭാതം പദ്ധതി ആരംഭിച്ചു. കല്‍പ്പറ്റ റിയല്‍ ജ്വല്ലേഴ്‌സ് ഉടമ അമ്പലപ്പുറം സൈനുല്‍ ആബിദാണ് പിതാവ് മൊയ്തീന്‍ ഹാജിയുടെ സ്മരണാര്‍ഥം പത്രം സ്‌പോണ്‍സര്‍ ചെയ്തത്.
ജില്ലാ ഓര്‍ഗനൈസര്‍ കെ.എ നാസര്‍ മൗലവി പദ്ധതി വിശദീകരിച്ചു. കല്‍പ്പറ്റ മഹല്ല് ജന.സെക്രട്ടറി സി. മൊയ്തീന്‍കുട്ടി അധ്യക്ഷനായി. സ്‌കൂള്‍ ലീഡര്‍ സോനു കൃഷ്ണയ്ക്കു പത്രം നല്‍കി സൈനുല്‍ ആബിദ് പദ്ധതി ഉദ്ഘാടനം ചെയ്തു.
സ്വദര്‍ മുഅല്ലിം പി.കെ അബ്ദുറഹ്മാന്‍ മൗലവി, പി.ടി.എ പ്രസിഡന്റ് സുലൈമാന്‍ ഇസ്മാലി, അയ്യൂബ് മാസ്റ്റര്‍, എം.കെ പൗലോസ്, എ.കെ യൂസഫ് മാസ്റ്റര്‍, വി.കെ അബ്ദുറഹ്മാന്‍ മൗലവി സംസാരിച്ചു. പ്രധാനാധ്യാപിക പി.ഒ ശ്രീലത ടീച്ചര്‍ സ്വാഗതവും സ്റ്റാഫ് സെക്രട്ടറി റ്റാജി എം തോമസ് നന്ദിയും പറഞ്ഞു. 1938ല്‍ കല്‍പ്പറ്റ മഹല്ല് കമ്മിറ്റി നുസ്‌റത്തുദ്ദീന്‍ മുസ്‌ലിം സംഘത്തിന്റെ കീഴില്‍ മദ്‌റസ കെട്ടിടത്തില്‍ ആരംഭിച്ചതാണ് കല്‍പ്പറ്റ എച്ച്.ഐ.എം യു.പി സ്‌കൂള്‍. പാഠ്യവിഷയങ്ങള്‍ക്കു പുറമേ ഉപജില്ല-ജില്ല കലാകായിക മേളയിലും സ്‌കൂള്‍ മികച്ച നേട്ടം കൈവരിച്ചിട്ടുണ്ട്.