കൊല്ലം: കേരള തണ്ടാന്‍ സര്‍വിസ് സൊസൈറ്റി വിവിധ ആവശ്യങ്ങളുന്നയിച്ച് 26ന് സെക്രട്ടേറിയറ്റ് പടിക്കല്‍ ധര്‍ണ നടത്തും. ഉദ്ഘാടനം കൊടിക്കുന്നില്‍ സുരേഷ് എം.പി നിര്‍വഹിക്കും.
സംസ്ഥാന പ്രസിഡന്റ് എം.ജനാര്‍ദ്ദനന്‍ അധ്യക്ഷനാകും. ബി.ജെ.പി നേതാവ് അഡ്വ. എസ്.സുരേഷ്, വി.എസ്.ശിവകുമാര്‍ എം.എല്‍.എ, കെ.ആന്‍സലന്‍ എം.എല്‍.എ, പാച്ചല്ലൂര്‍ ശ്രീനിവാസന്‍, കെ.പി.ശങ്കരദാസ് സംസാരിക്കും.
ജംബോ സര്‍ക്കസ്
മൂന്നിന് അവസാനിക്കും
കൊല്ലം: ആശ്രമം മൈതാനിയില്‍ എത്യോപ്യന്‍ കലാകാരന്മാരുടെ അഭ്യാസപ്രകടനങ്ങള്‍കൊണ്ട് ശ്രദ്ധേയമായ ജംബോ സര്‍ക്കസ് ഒക്‌ടോബര്‍ മൂന്നിന് അവസാനിക്കും. നൂറില്‍പരം കലാകാരന്മാരും കലാകാരികളും അമ്പതോളം ജീവനക്കാരും ഇരുന്നൂറോളം സഹായികളുമടങ്ങിയതാണ് പിന്നണി.എത്യോപ്യന്‍ കലാകാരന്മാരായ അസ്മല്‍ ബര്‍ഹെ, ഇസാനാ അറഗാവി ബസ്രാത്ത് എന്നിവര്‍ അവതരിപ്പിക്കുന്ന ഹാറ്റ് ജഗ്‌ളിങ്, ഫുട് ആക്രോബാറ്റ് എന്നിവയാണ് ഏറ്റവും ആകര്‍ഷകമായ ഇനങ്ങള്‍.