തിരുവനന്തപുരം: പ്രായമായവര്‍ക്കും ആരുമില്ലാത്തവര്‍ക്കും സര്‍ക്കാരിന്റെ കാരുണ്യം. അത്തരക്കാരെ സംരക്ഷിക്കുന്ന സ്ഥാപനങ്ങളിലും അനാഥാലയങ്ങളിലും കഴിയുന്നവര്‍ക്ക് സൗജന്യ അരി നല്‍കാന്‍ സര്‍ക്കാര്‍ തീരുമാനിച്ചു.  
സര്‍ക്കാരും ഓര്‍ഫനേജ് കണ്‍ട്രോള്‍ ബോര്‍ഡും അംഗീകരിച്ച 1,473 വെല്‍ഫയര്‍ സ്ഥാപനങ്ങളിലായി ഏകദേശം 73,000 പേര്‍ക്ക് സൗജന്യ അരി ലഭിക്കും. നിലവില്‍ ഓരോ അന്തേവാസിക്കും ഒരു രൂപ നിരക്കില്‍ അഞ്ച്  കിലോ അരി പ്രതിമാസം നല്‍കുന്നുണ്ട്. ഇത് സൗജന്യമായി വിതരണം ചെയ്യാനാണ് സര്‍ക്കാര്‍ തീരുമാനം. പദ്ധതി നടപ്പാക്കാന്‍ 3,67,000 രൂപയുടെ അധിക ചെലവ് പ്രതീക്ഷിക്കുന്നു. ഈ തുക ധനവകുപ്പ് അനുവദിച്ചു.