തൊടുപുഴ:  സംസ്ഥാന വിദ്യാഭ്യാസവകുപ്പ് 2015-16 അധ്യയനവര്‍ഷം നടപ്പാക്കിയ സമഗ്ര ഗുണമേന്മ വിദ്യാലയ വികസനപദ്ധതിയായ 'പഠിപ്പും വെടിപ്പും' പദ്ധതിയുടെ തൊടുപുഴ ബിആര്‍സിക്ക് കീഴിലെ മികച്ച വിദ്യാലയമായി പെരുമ്പിള്ളിച്ചിറ സെന്റ് ജോസഫ്‌സ് യുപി സ്‌കൂളിനെ തെരഞ്ഞെടുത്തു.
പഠനമികവിനും ഭൗതിക പശ്ചാത്തല വികസനത്തിനുമായി നടത്തിയ പ്രവര്‍ത്തനങ്ങളുടെ അടിസ്ഥാനത്തിലാണ് അംഗീകാരം. സ്‌കൂളില്‍ നടപ്പാക്കിയ വ്യത്യസ്ഥമായ പഠനപ്രവര്‍ത്തനങ്ങളും ക്ലാസ് മുറികളുടെ ആധുനികവല്‍ക്കരണവും ഐടി അധിഷ്ഠിത വിദ്യാഭ്യാസവും യോഗ പരിശീലനവും സ്‌കൂള്‍ വളപ്പിലെ ജൈവകൃഷിയും പുരസ്‌കാരത്തിന് പരിഗണിച്ചു.
സിആര്‍സി തലത്തിലും പെരുമ്പിള്ളിച്ചിറ സ്‌കൂള്‍ ഒന്നാം സ്ഥാനത്താണ്.
2015-16 വര്‍ഷത്തെ മികവുത്സവത്തില്‍ സ്‌കൂള്‍ റവന്യു ജില്ലാതലത്തില്‍ ഒന്നാമതെത്തിയിരുന്നു.