പേരൂര്‍ക്കട: വഴയിലയ്ക്കു സമീപം കാറ്റത്ത് മറിഞ്ഞു വീണ മരം മുറിച്ചു നീക്കാനെത്തിയ ഫയര്‍ഫോഴ്‌സിന് പണി കിട്ടി. മരം മുറിച്ചുനീക്കാനായെത്തിയ ചെങ്കല്‍ച്ചൂളയില്‍ നിന്നുള്ള ഫയര്‍ഫോഴ്‌സ് സംഘത്തിന് ടൂള്‍ ബോക്‌സ് തുറക്കാനാവാത്തത് കാരണം ഏറെ സമയം വഴിയില്‍ കിടക്കേണ്ടി വന്നു.
മരം മുറിച്ചു നീക്കാനായുള്ള കട്ടര്‍ കൈവശം ഉണ്ടായിരുന്നുവെങ്കിലും അതിന്റെ ബാക്കി ഭാഗങ്ങള്‍ ടൂള്‍ ബോക്‌സിനകത്തായിരുന്നു. ഇത് തുറക്കാനുള്ള ശ്രമം വിജയം കാണാത്തതിനാല്‍ ഗതാഗതവും തടസപ്പെട്ടു.
പിന്നെ പകരം സാധനങ്ങള്‍ എത്തിച്ച് മരം മുറിച്ചു നീക്കിയപ്പോള്‍ പിന്നിട്ടത് ഒരു മണിക്കൂറിലേറെ സമയം. അത്യാവശ്യത്തിന് ഓടിയെത്തിയ  വാഹനത്തിലെ ടൂള്‍ബോക്‌സ് പോലും തുറക്കാനാവാതെ വന്നതില്‍ നാട്ടുകാര്‍ പ്രതിഷേധിച്ചു.