വടക്കാഞ്ചേരി: ലയണ്‍സ് ക്ലബ്ബിന്റെ നേതൃത്വത്തില്‍ ഗാന്ധി ജയന്തി സേവന ദിനമായി ആഘോഷിക്കുമെന്ന് ക്ലബ്ബ് പ്രസിഡന്റ് സുഭാഷ് പുഴയ്ക്കല്‍ വാര്‍ത്താ സമ്മേളനത്തില്‍ അറിയിച്ചു. രാവിലെ 9.30 ന് വടക്കാഞ്ചേരി റെയില്‍വേ സ്റ്റേഷന്‍ പരിസരം ശുദ്ധീകരിച്ച് കൊണ്ടാണ് തുടക്കം. നഗരസഭ വൈസ് ചെയര്‍മാന്‍ എം.ആര്‍ അനൂപ് കിഷോര്‍ ഉദ്ഘാടനം ചെയ്യും. സുഭാഷ് പുഴയ്ക്കല്‍ അധ്യക്ഷനാകും.
ക്ലബ്ബ് സംഘടിപ്പിക്കുന്ന സൗജന്യ യോഗ പരിശീലനത്തിന് ഒക്ടോബര്‍ 3 മുതല്‍ തുടക്കമാകുമെന്നും ഭാരവാഹികള്‍ അറിയിച്ചു. രാവിലെ 7 മണി മുതല്‍ 8 മണി വരെയാണ് പരിശീലനം നല്‍കുക. നഗരസഭ കൗണ്‍സിലര്‍ സിന്ധു സുബ്രഹ്മണ്യനാണ് ഉദ്ഘാടക. രജിസ്‌ട്രേഷന് 9446541682, 9495688999 എന്നീ നമ്പറുകളില്‍ ബന്ധപ്പെടണം. വാര്‍ത്താ സമ്മേളനത്തില്‍ തോമാസ് തരകന്‍, പി.എക്‌സ് സെബിന്‍, എന്‍.കെ മണിലാല്‍ എന്നിവരും പങ്കെടുത്തു.