തിരുവനന്തപുരം: പഞ്ചായത്തുകളില്‍ കെട്ടിട നികുതി വര്‍ധിപ്പിക്കുന്നത് ഇപ്പോള്‍ പരിഗണനയിലില്ലെന്ന് തദ്ദേശസ്വയംഭരണ മന്ത്രി കെ.ടി ജലീല്‍ നിയമസഭയെ അറിയിച്ചു. തദ്ദേശ സ്ഥാപനങ്ങളെ ഒറ്റ വകുപ്പിന് കീഴില്‍ കൊണ്ടുവരുന്നതിന് വിവിധ വകുപ്പുകളെ ഏകോപിപ്പിച്ച് പൊതു സര്‍വിസ് രൂപീകരിക്കും. തദ്ദേശ സ്ഥാപനങ്ങളില്‍ അജൈവ മാലിന്യങ്ങള്‍ ശേഖരിച്ച് തരംതിരിച്ച് സൂക്ഷിക്കുന്നതിനും തുടര്‍ന്ന് റീസൈക്കിള്‍ ചെയ്യുന്നതിനുമായി മെറ്റീരിയല്‍ റിക്കവറി ഫെസിലിറ്റി  റിസോഴ്‌സ് റിക്കവറി സെന്ററുകള്‍ എല്ലാ നഗരസഭകളിലും ഗ്രാമ പഞ്ചായത്തുകളിലും സ്ഥാപിക്കാന്‍ നടപടി സ്വീകരിച്ചതായും മന്ത്രി കൂട്ടിച്ചേര്‍ത്തു.