ജിദ്ദ: ഈ വര്‍ഷം ആദ്യ പകുതിയില്‍ സഊദിയിലെ എയര്‍പോര്‍ട്ടുകള്‍ വഴി മൂന്നര കോടിയിലേറെ പേര്‍ യാത്ര ചെയ്തതായി ജനറല്‍ അതോറിറ്റി ഓഫ് സിവില്‍ ഏവിയേഷന്റെ വിഭാഗം അറിയിച്ചു.

ആറു മാസത്തിനിടെ 3.65 കോടി പേരാണ് സഊദിയിലെ എയര്‍പോര്‍ട്ട് വഴി സഞ്ചരിച്ചത്. ഏറ്റവും കൂടുതല്‍ പേര്‍ യാത്രക്ക് തിരഞ്ഞെടുത്തത് ജിദ്ദ കിങ് അബ്ദുല്‍ അസീസ് എയര്‍പോര്‍ട്ട് വഴിയാണ്. 1,66,28,220. രണ്ടാം സ്ഥാനത്ത് റിയാദ് കിങ് ഖാലിദ് എയര്‍പോര്‍ട്ടാണ്. ഇവിടെ 1,15,50,556 പേര്‍ യാത്ര ചെയ്തു. മൂന്നാം സ്ഥാനം ദമാം കിങ് ഫഹദ് വിമാനത്താവളവും. ഇവിടെ യാത്ര ചെയ്തത് 23,35,091 പേരും നാലാം സ്ഥാനം മദീന പ്രിന്‍സ് മുഹമ്മദ് വിമാനത്താവളം വഴിയുമാണ്. ഇവിടെ 20,71,084 പേര്‍ യാത്ര ചെയ്തതായും ജനറല്‍ അതോറിറ്റി ഓഫ് സിവില്‍ എവിയേഷന്‍ വിഭാഗം അറിയിച്ചു.