കണ്ണൂര്‍: കണ്ണൂര്‍ ജില്ലയിലെ ഉന്നത ബി.ജെ.പി-ആര്‍.എസ്.എസ് നേതാക്കളെ അപായപ്പെടുത്താന്‍ സി.പി.എം ആസൂത്രിതനീക്കം നടത്തുകയാണെന്നു ബി.ജെ.പി ദേശീയ സമിതിയംഗം പി.കെ കൃഷ്ണദാസ് ആരോപിച്ചു. അറുംകൊലയില്‍ വൈദഗ്ധ്യം നേടിയ ക്രിമിനലുകള്‍ വ്യാജ നമ്പര്‍ പ്ലേറ്റുള്ള വാഹനങ്ങളില്‍ ജില്ലയിലുടനീളം യാത്രചെയ്തു കൊണ്ടിരിക്കുകയാണ്. നേതാക്കള്‍ക്കു ഭീഷണിക്കത്തുകള്‍ തുടരെ തുടരെ ലഭിക്കുന്നതു പൊലിസിന്റെ ശ്രദ്ധയില്‍പ്പെടുത്തിയിട്ടുണ്ട്. വലിയൊരു ഗൂഢാലോചനയിലാണ് കൊല ആസൂത്രണം ചെയ്തത്. പിണറായി വിജയന്‍ മുഖ്യമന്ത്രിയും ആഭ്യന്തരമന്ത്രിയുമായ സാഹചര്യത്തിലാണ് ഈ നീക്കമെന്നും അദ്ദേഹം പറഞ്ഞു.