ആനക്കര: പട്ടിത്തറ വില്ലേജില്‍ വയലില്‍ നിര്‍മാണ പ്രവര്‍ത്തനത്തിന് കല്ലൂമായി വന്ന ലോറി റവന്യു അധികൃതര്‍ പിടികൂടി. തൃത്താല കെ.ബി. മേനോന്‍ സ്‌കൂളിന് പിറകിലെ വയലിലാണ് അനധികൃത നിര്‍മാണത്തിന് സാധനങ്ങള്‍ കൊണ്ടു വന്നത്. ഇവിടെ നിര്‍മാണ പ്രവര്‍ത്തനത്തിന ്‌നേരത്തെ സ്റ്റോപ്പ് മെമ്മൊ നല്‍കിയിരുന്നെങ്കിലും ഇത് ധിക്കരിച്ച് പണി നടത്തുകയായിരുന്നെന്ന് അധികൃതര്‍ പറയുന്നു.
രണ്ട് ദിവസം മുമ്പ് പണിക്കെത്തിയ തൊഴിലാളികളെ കസ്റ്റഡിയിലെടുക്കാന്‍ പൊലിസ് എത്തിയപ്പോള്‍ ഇവര്‍ ഓടി രക്ഷപ്പെട്ടിരുന്നു. തണ്ണീര്‍തട സംരക്ഷണ നിയമ പ്രകാരം ക്‌സറ്റഡിയിലെടുത്ത ലോറി സബ്കലക്ടര്‍ക്ക് കൈമാറി. പട്ടിത്തറ വില്ലജ് ഓഫിസുടെ ചുമതലയുള്ള സന്ധ്യാദീപം സന്തോഷ്, സൂധാകരന്‍ എന്നിവരാണ് സംഘത്തിലുണ്ടായിരുന്നത്.