തിരുവനന്തപുരം: സ്വാശ്രയ മെഡിക്കല്‍ കോളജ് വിഷയത്തില്‍ ഫീസ് നിരക്ക് കുറയ്ക്കണമെന്നാവശ്യപ്പെട്ട് യു.ഡി.എഫ് എം.എല്‍.എമാര്‍ നടത്തിവരുന്ന നിരാഹാര സമരം തല്‍ക്കാലം നിര്‍ത്താന്‍ തീരുമാനമായി. കഴിഞ്ഞ എട്ടു ദിവസമായി നടത്തിവന്നിരുന്ന സമരമാണ് ഇന്ന് ചേര്‍ന്ന യോഗത്തില്‍ അവസാനിപ്പിക്കാന്‍ തീരുമാനമായത്.

11 ദിവസത്തേക്ക് നിയമസഭ പിരിഞ്ഞ സാഹചര്യത്തില്‍ എം.എല്‍.എമാര്‍ നിയമസഭാ മന്ദിരത്തിന് മുമ്പില്‍ നിരാഹാരം തുടരേണ്ട ആവശ്യമില്ലെന്ന ധാരണയിലാണ് സമരം അവസാനിപ്പിക്കാന്‍ തീരുമാനമായത്.