ചാവക്കാട്:  പ്രമുഖ ചിത്രകാരന്‍ യൂസുഫ് അറക്കലിന്റെ നിര്യാണത്തില്‍ കടപ്പുറം പഞ്ചായത്ത് ഭരണ സമിതി അനുശോചനം രേഖപ്പെടുത്തി. കടപ്പുറം പഞ്ചായത്തിലെ തൊട്ടാപ്പില്‍ ജനിച്ചു വളര്‍ന്ന യൂസഫിന്റെ നിര്യാണ വാര്‍ത്തയറിഞ്ഞതിനെ തുടര്‍ന്ന് ബുധനാഴ്ച്ച വിളിച്ചു ചേര്‍ത്ത  പഞ്ചായത്തിന്റെ അടിയന്തിര യോഗത്തിലാണ് അനുശോചനം രേഖപ്പെടുത്തിയത്. പ്രസിഡന്റ് പി.എം മുജീബ് അധ്യക്ഷനായി. വൈസ് പ്രിസിഡന്റ് മൂക്കന്‍ കാഞ്ചന, സ്ഥിരം സമിതി അംഗങ്ങളായ  കെ.ഡി വീരമണി, ഷംസിയ,  വി.എം മനാഫ്, അംഗങ്ങളായ പി.വി ഉമര്‍കുഞ്ഞി, പി.കെ ബഷീര്‍, പി.എ അഷ്‌ക്കറലി, എം.കെ ഷണ്‍മുഖന്‍, ഷൈല മുഹമ്മദ്, നിത, സറീന അലി, സെക്രട്ടറി വി.എ ഉണ്ണികൃഷ്ണന്‍ എന്നിവര്‍ സംസാരിച്ചു.