ആലപ്പുഴ: ആരോഗ്യവകുപ്പില്‍ 204 ലാബ് ടെക്‌നീഷ്യന്‍ ഗ്രേഡ് 2 തസ്തിക പുതുതായി സൃഷ്ടിച്ചതായി ആരോഗ്യവകുപ്പ് മന്ത്രി കെ.കെ ശൈലജ അറിയിച്ചു.
സംസ്ഥാനത്തെ വിവിധ ജനറല്‍, ജില്ലാ, താലൂക്കാശുപത്രികള്‍, സംസ്ഥാന പൊതുജനാരോഗ്യ ലബോറട്ടറി, പ്രാദേശിക പൊതുജനാരോഗ്യ ലബോറട്ടറി എന്നീ സ്ഥാപനങ്ങളിലും ലബോറട്ടറി ടെക്‌നീഷ്യന്‍ തസ്തികയില്ലാത്ത, കിടത്തി ചികിത്സയുള്ള സാമൂഹികാരോഗ്യകേന്ദ്രങ്ങളിലുമാണ് തസ്തിക അനുവദിച്ചത്.
ആലപ്പുഴ 10, തിരുവനന്തപുരം 29, കൊല്ലം 19, ഇടുക്കി 8, കോട്ടയം 19, എറണാകുളം 15, തൃശ്ശൂര്‍ 18, പത്തനംതിട്ട 11, പാലക്കാട് 20, വയനാട് 11, മലപ്പുറം 14, കോഴിക്കോട് 16, കണ്ണൂര്‍ 9, കാസര്‍ഗോഡ് 5 എന്നീ ക്രമത്തിലാണ് പുതിയ തസ്തിക സൃഷ്ടിച്ചത്.