കൊപ്പം: തെങ്ങുകളില്‍ വെള്ളീച്ച ശല്യം കാരണം കര്‍ഷകര്‍ പൊറുതിമുട്ടുന്നു. മോശം കാലാവസ്ഥയെ തുടര്‍ന്നാണ് ഈ രോഗം കാണപ്പെടുന്നത്. പാലക്കാട്, മലപ്പുറം ജില്ലകളിലെ വിവിധ പ്രദേശങ്ങളിലുള്ള തെങ്ങുകളില്‍ ഇത്തരം ശല്യം വ്യാപകമാണ്.
തെങ്ങിന്‍പട്ടകള്‍ക്ക് താഴെ വെളുത്ത നിറത്തിലുള്ള പൂപ്പലുപോലെയാണ് ഇവ കാണുന്നത്. ഇതുകാരണം തെങ്ങിന്‍ ഓലകളും പട്ടകളും ഉണങ്ങിക്കരിഞ്ഞ് പോവുന്നു.
കൃഷിഭവനുകളില്‍ കര്‍ഷകര്‍ എത്രയും പെട്ടെന്ന് കര്‍ഷര്‍ റിപ്പോര്‍ട്ട് ചെയ്ത് ആവശ്യമായ പ്രതിരോധ മാര്‍ഗങ്ങള്‍ സ്വീകരിച്ചില്ലെങ്കില്‍ തെങ്ങ് നശിക്കാന്‍ കാരണമാവും.