അരീക്കോട്: നൂറ്റാണ്ടുകളായി വിഭാഗീയതയില്ലാതെ വിശ്വാസികള്‍ ആരാധിച്ചു വരുന്ന പള്ളികളിലും മദ്‌റസകളിലും വിഭാഗീയത വളര്‍ത്താന്‍ ശ്രമിക്കുന്നവര്‍ക്ക് ഒത്താശ ചെയ്തു കൊടുക്കുന്ന പൊലിസ് നടപടിയില്‍ പ്രതിഷേധിച്ച് 13ന് അരീക്കോട് പൊലിസ് സ്റ്റേഷനിലേക്ക് സമസ്ത ലീഗല്‍ സെല്‍ സംഘടിപ്പിക്കുന്ന മാര്‍ച്ച് വിജയിപ്പിക്കാന്‍ ഏറനാട് മണ്ഡലം എസ്.വൈ.എസ് കണ്‍വെന്‍ഷന്‍ തീരുമാനിച്ചു. മാര്‍ച്ചിന്റെ പ്രചരണത്തിനായി മഹല്ല് പര്യടനവും പഞ്ചായത്ത് തലങ്ങളില്‍ സംഗമങ്ങളും നടത്തും.
    ഉമര്‍ ദര്‍സി തച്ചണ്ണ അധ്യക്ഷനായി. എം.സുല്‍ഫീക്കര്‍ വിഷയാവതരണം നടത്തി. വൈ.പി അബൂബക്കര്‍ മാസ്റ്റര്‍, അബൂബക്കര്‍ മദനി ചെങ്ങര, ബീരാന്‍ കുട്ടി ഹാജി കിഴിശ്ശേരി, ടി പി ഇബ്രാഹിം ഫൈസി തങ്ങള്‍, അസീസ് മാസ്റ്റര്‍ കിഴിശ്ശേരി, സൈദ തെഞ്ചീരി, റഷീദ് ദാരിമി പൂവത്തിക്കല്‍ എന്നിവര്‍ സംബന്ധിക്കും.