ഫറോക്ക്: കുണ്ടായിത്തോട് ജനവാസ കേന്ദ്രത്തില്‍ മദ്യശാല ആരംഭിക്കുന്നതിനെതിരേ നല്ലളം മേഖലാ എസ്.കെ.എസ്.എസ്.എഫ് നടത്തിയ മാര്‍ച്ചില്‍ പ്രതിഷേധമിരമ്പി. നൂറുകണക്കിനു കുടുംബങ്ങള്‍ തിങ്ങിപ്പാര്‍ക്കുകയും സ്‌കൂള്‍ പ്രവര്‍ത്തിക്കുകയും ചെയ്യുന്ന സ്ഥലത്തു മദ്യശാല ആരംഭിക്കുന്ന നീക്കത്തില്‍നിന്നു പിന്മാറിയില്ലെങ്കില്‍ ശക്തമായ പ്രക്ഷോഭം സംഘടിപ്പിക്കുമെന്നു നേതാക്കള്‍ സര്‍ക്കാരിനു മുന്നറിയിപ്പു നല്‍കി.
മാര്‍ച്ച് എസ്.കെ.എസ്.എസ്.എഫ് സംസ്ഥാന വര്‍ക്കിങ് സെക്രട്ടറി റഷീദ് ഫൈസി വെള്ളായിക്കോട് ഉദ്ഘാടനം ചെയ്തു. മേഖലാ പ്രസിഡന്റ് താഹാ യമാനി അധ്യക്ഷനായി. മദ്യവിരുദ്ധ സമിതി പ്രസിഡന്റ് ജനാര്‍ധനന്‍, മൂസക്കോയ മൗലവി, അന്‍വര്‍, ബഷീര്‍ കുണ്ടായിത്തോട് സംസരിച്ചു.