കൊല്ലം : ജില്ലാ ചെസ് അസോസിയേഷനും നവജീവന്‍ സ്‌പോര്‍ട്‌സ് ക്ലബും സംയുക്തമായി നടത്തുന്ന കൊല്ലം ജില്ലാ ഏകദിന ചെസ് മത്സരം 10നു കൂനമ്പായിക്കുളം നവജീവന്‍ ലൈബ്രറി അങ്കണത്തില്‍ നടക്കുമെന്നു സംഘാടകര്‍ വാര്‍ത്താ സമ്മേളനത്തില്‍ അറിയിച്ചു.
രാവിലെ 9നു മത്സരം ഇരവിപുരം സി.ഐ പങ്കജാക്ഷന്‍ ഉദ്ഘാടനം ചെയ്യും. ആദ്യറൗണ്ടു മത്സരം കൊല്ലം ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് എം സുന്ദരേശന്‍ പിള്ള ഉദ്ഘാടനം ചെയ്യും. 12 വയസിനു താഴെയും 15 വയസിനു താഴെയുമുള്ള കുട്ടികള്‍ക്കാണു ചെസ് മത്സരം. ലോക ചെസ് സംഘടന അംഗീകരിച്ചിട്ടുള്ള സമ്പ്രദായ പ്രകാരമാണു കളികള്‍ നടക്കുന്നത്. രജിസ്‌ട്രേഷന്‍ ഫീസ് 200 രൂപയാണ്. വൈ.എം.സി.എയും ജില്ലാ ചെസ് അസോസിയേഷനും സംയുക്തമായി നടത്തുന്ന ഏകദിന ചെസ് മത്സരം ഇന്നു രാവിലെ 9നു വൈ.എം.സി.എയില്‍ നടക്കും.