കൊച്ചി: പഞ്ചവത്സര പദ്ധതിയുടെ ഭാഗമായി കലൂരില്‍ പുതിയ എ.ഡി.എസ് ഹാള്‍ നിര്‍മിച്ചു. ഹാളിന്റെ ഉദ്ഘാടനം മേയര്‍ സൗമിനി ജെയിന്‍ നിര്‍വഹിച്ചു. പദ്ധതി നിര്‍വഹണവുമായി ബന്ധപ്പെട്ട വിശദീകരണം വികസനകാര്യ കമ്മിറ്റി ചെയര്‍പേഴ്‌സണ്‍ ഗ്രേസി ജോസഫ് നടത്തി.
ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ എ.ബി സാബു യോഗത്തില്‍ അധ്യക്ഷനായിരുന്നു.
ലാലി സെബാസ്റ്റിന്‍ കോഡിനേറ്ററായി സമാഹരിച്ച ചികിത്സ സഹായ നിധിയില്‍ നിന്നും 30,000 രൂപ വിതരണം ചെയ്തു. ഡിവിഷന്‍ കൗണ്‍സിലര്‍ എം.ജെ അരിസ്റ്റോട്ടില്‍ സ്വാഗതവും യോഗത്തിന് എ.ഡി.എസ് ചെയര്‍പേഴ്‌സണ്‍ വാഹിത സിദ്ധിക് നന്ദി പറഞ്ഞു.