മണ്ണാര്‍ക്കാട്: തെങ്കര മരക്കോട് ജുമാമസ്ജിദിന് സമീപം പിക്ക്അപ്പ് വാന്‍ വൈദ്യുതി പോസ്റ്റിലിടിച്ച് മരിച്ചയാളെ തിരിച്ചറിഞ്ഞു. അട്ടപ്പാടി ചിണ്ടേക്കി ഊരിലെ പെരുമാളിന്റെ മകന്‍ മരുതനാ (45)ണ് മരിച്ചത്.
വ്യാഴാഴ്ച രാത്രി ഒന്‍തോടെ മണ്ണാര്‍ക്കാട് നിന്ന് അട്ടപ്പാടിയിലേക്ക് പോവുകയായിരുന്ന പിക്ക്അപ്പ്‌വാന്‍ എതിരേ വന്ന ബൈക്കിനെ ഇടിച്ച് തെറിപ്പിച്ചാണ് നിയന്ത്രണംവിട്ടു മറിഞ്ഞത്. അപകടത്തില്‍പ്പെട്ട പിക്ക് അപ്പ് വാന്‍ ഡ്രൈവര്‍ പ്രദീപിനെ വെളളിയാഴ്ച വൈകുന്നേരം വരെ കണ്ടെത്താനായിട്ടില്ല. തുടര്‍ന്ന് പ്രദീപ് ഓടി രക്ഷപ്പെട്ടതായി നാട്ടുകാര്‍ പറയുന്നു. ബൈക്ക് യാത്രക്കാരായ തെങ്കര ചിറപ്പാടം മഞ്ഞളുങ്ങല്‍ വീട്ടില്‍ മൊയ്തുവിന്റെ മക്കളായ ഹംസ (28), റംല (33) എന്നിവരെ പെരിന്തല്‍മണ്ണയിലെ സ്വകാര്യ ആശുപത്രിയില്‍ ചികിത്സയിലാണ്.