തൃക്കുന്നപ്പുഴ : പതിയാങ്കര ഉസ്താദിന്റെ (കെ.കെ കുഞ്ഞഹമ്മദ് കുട്ടി മുസ്‌ലിയാര്‍ ) 11 -ാമത് ആണ്ടുനേര്‍ച്ചക്ക് ഇന്ന് പതിയാങ്കര ജുമാമസ്ജിദ് അങ്കണത്തില്‍ തുടക്കമാവും. നാലുദിവസം നീണ്ടുനില്‍ക്കുന്ന ആണ്ടുനേര്‍ച്ചയുടെ ഭാഗമായി ഖത്മുല്‍ ഖുര്‍ആന്‍, മതപ്രഭാഷണം, അനുസ്മരണ സമ്മേളനം, സ്വലാത്ത് ഹല്‍ക്കാ വാര്‍ഷികം, അന്നദാനം എന്നിവ നടക്കും. ഖത്മുല്‍ ഖുര്‍ആന്‍ ദുആ മജ് ലിസിന് സയ്യിദ് ഹാമിദ് കോയ ബാഫഖി തങ്ങള്‍ നേതൃത്വം നല്‍കും. തുടര്‍ന്ന് അലാമത്തുല്‍ ഖിയാമ എന്ന വിഷയത്തില്‍ നൗഫല്‍ ഫാളിലി പുന്നപ്ര പ്രഭാഷണം നിര്‍വ്വഹിക്കും. തിങ്കളാഴ്ച രാത്രി 8 മണിക്ക് ശിഥിലമാകുന്ന കുടുംബ ബന്ധം എന്ന വിഷയം ഇ.പി അബൂബക്കര്‍ അല്‍ഖാസിമിയും ചൊവ്വാഴ്ച രാത്രി 8 മണിക്ക് കാലിടറുന്ന യുവത്വം എന്ന വിഷയം വഹാബ് നഈമി കൊല്ലവും അവതരിപ്പിക്കും. ബുധനാഴ്ച വൈകിട്ട് 7 മണിക്ക് ജമാഅത്ത് പ്രസിഡന്റ് എം.എ ലത്തീഫിന്റ്‌റെ അദ്ധ്യക്ഷതയില്‍ ചേരുന്ന അനുസ്മരണ സമ്മേളനം സമസ്ത ജില്ലാ ജനഃസെക്രട്ടറി എം.എ അബ്ദുല്‍ റഹ്മാന്‍ അല്‍ഖാസിമി ഉദ്ഘാടനം ചെയ്യും. എ. അബ്ദുല്‍ റഹീം സഖാഫി അനുസ്മരണ പ്രഭാഷണം നടത്തും. സ്വലാത്ത് മജ്‌ലിസിന് മുഹമ്മദ് ഹുസൈന്‍ തങ്ങള്‍ അസ്ഹരി പട്ടാമ്പി നേതൃത്വം നല്‍കും.