ലക്കിടി: കാട്ടുപന്നിയുടെ ആക്രമണത്തില്‍ തൊഴിലുറപ്പ് തൊഴിലാളി സ്ത്രീക്ക് പരുക്കേറ്റു. പഴമ്പാലക്കോട് പാതപ്പള്ള വീട്ടില്‍ ശിവകുമാറിന്റെ ഭാര്യ ധന്യ (30 ) യ്ക്കാണ് പന്നിയുടെ കുത്തേറ്റത്.
ഇന്നലെ രാവിലെ പത്ത് മണിയോടെയാണ് സംഭവം. പഴമ്പാലക്കോട് വടക്കെ പാതയില്‍ കാടു വെട്ടുന്നതിനിടെയാണ് ഒറ്റയാനായ പന്നി ആക്രമിച്ചത്. മുഖത്തും കൈക്കും പരുക്കുണ്ട്. കയ്യിന്റെ എല്ല് ഒടിഞ്ഞ നിലയിലാണ്.
ഇവരെ പാലക്കാട് ജില്ലാ ആശുപത്രിയില്‍ പ്രവേശിപ്പിച്ചിട്ടുണ്ട്.  നാല്‍പ്പതോളം സ്ത്രീകളാണ് ധന്യക്കൊപ്പം കാടു വെട്ട് ജോലിയില്‍ ഏര്‍പ്പെട്ടിരുന്നത്. പ്രദേശത്തെ രൂക്ഷമായ കാട്ടുപന്നി ശല്യത്തിനെതിരേ നടപടി വേണമെന്ന് പഞ്ചായത്തംഗം നടരാജന്‍ ആവശ്യപ്പെട്ടു.