ചെറുവത്തൂര്‍: പ്രൈമറി പ്രധാനാധ്യാപകരെ ക്ലാസ് ചുമതലയില്‍ നിന്നും ഒഴിവാക്കണമെന്ന് കേരള ഗവ. പ്രൈമറി സ്‌കൂള്‍ ഹെഡ്മാസ്റ്റേഴ്‌സ് അസോസിയേഷന്‍ സംസ്ഥാന പ്രവര്‍ത്തക ക്യാംപ് ആവശ്യപ്പെട്ടു.
പ്രധാനാധ്യാപകര്‍ക്ക് ക്ലാസ് മോണിറ്ററിങ്ങും, ഭരണ ചുമതലയും മാത്രം നല്‍കണം. അധ്യാപകരെ വിശ്വാസത്തിലെടുത്ത് പ്രൈമറി വിദ്യാഭ്യാസ മേഖലയില്‍ സമഗ്രമായ  അഴിച്ചു പണി നടത്തണമെന്നും ചെറുവത്തൂരില്‍ സമാപിച്ച ക്യാംപ് ആവശ്യപ്പെട്ടു.
 'വിദ്യാഭ്യാസ പരിവര്‍ത്തനത്തിന്റെ രാഷ്ട്രീയം'  വിഷയത്തില്‍ സംവാദം നടന്നു. ജനകീയ പ്രതിരോധ സമിതി സംസ്ഥാന സെക്രട്ടറി ജ്യോതി കൃഷ്ണന്‍ വിഷയം അവതരിപ്പിച്ചു.
സംസ്ഥാന പ്രസിഡന്റ് ടി.കെ മുകുന്ദന്‍ മോഡറേറ്ററായിരുന്നു. കെ.എം ഉണ്ണികൃഷ്ണന്‍, ഡോ.എം ബാലന്‍, ടി.മാധവന്‍, ജയപ്രസാദ്, കെ.ടി രമേശന്‍, കെ.നാരായണന്‍, നാരായണന്‍ മാസ്റ്റര്‍ സംസാരിച്ചു