കൊല്ലം: അലപ്പോയില്‍ റഷ്യയുടെ സഹായത്തോടെ സിറിയയിലെ ശീഈ ഭരണകൂടം നടത്തുന്ന അക്രമങ്ങള്‍ മനുഷ്യമനസാക്ഷിയെ ഞെട്ടിപ്പിക്കുന്നതാണെന്നു ദക്ഷിണകേരള ജംഇയ്യത്തുല്‍ ഉലമ സംസ്ഥാന സെക്രട്ടറി തൊടിയൂര്‍ മുഹമ്മദുകുഞ്ഞു മൗലവി പ്രസ്താവനയില്‍ പറഞ്ഞു. ഇതിനകം പത്തുലക്ഷത്തോളം സുന്നീ മുസ്‌ലിംകളെ ഉന്‍മൂലനം ചെയ്യുകയും അഞ്ഞൂറിലധികം പള്ളികളും സ്വഹാബാക്കളുടെ നിരവധി ഖബ്‌റുകളും തകര്‍ക്കുകയും ചെയ്തിട്ടുണ്ട്. ഇതിനെതിരേ ലോകമനസാക്ഷി ഉണരണമെന്നും ഐക്യരാഷ്ട്രസഭ ശക്തമായി ഇടപെടണമെന്നും അദ്ദേഹം ആവശ്യപ്പെട്ടു.