എരുമപ്പെട്ടി: എരുമപ്പെട്ടി മേഖലയിലെ നെല്‍ വയലുകളിലേക്ക് വെള്ളമെത്തിക്കാന്‍ അടിയന്തിരമായി നടപടി സ്വീകരിക്കണമെന്ന് എരുമപ്പെട്ടി ഫൊറോന കത്തോലിക്ക കോണ്‍ഗ്രസ് അവശ്യപ്പെട്ടു. വെള്ളം ലഭിക്കാതെ നെല്‍കൃഷി ഉണങ്ങി നശിക്കുന്ന അവസ്ഥയിലായിരിക്കുകയാണ്. നെല്‍ വയലുകളിലേക്ക് വെള്ളം പമ്പ് ചെയ്യുന്നതിന് ആവശ്യമായ പമ്പ്‌സെറ്റ്, മണ്ണെണ്ണ, ഡീസല്‍ എന്നിവ പാടശേഖരങ്ങളിലേക്ക് നല്‍കണം. കാര്‍ഷികോല്‍പന്നങ്ങളുടെ വില തകര്‍ച്ചയും നെല്‍കര്‍ഷകര്‍ക്ക് നേരിടുന്ന പ്രതിസന്ധിയും പരിഹരിക്കാന്‍ അടിയന്തിര നടപടി ആവശ്യപ്പെട്ട് കര്‍ഷക പ്രക്ഷോപം സംഘടിപ്പിക്കുമെന്നും യോഗം മുന്നറിയിപ്പ് നല്‍കി. പ്രസിഡന്റ് കെ.സി. ഡേവീസ് അധ്യക്ഷനായി. ഡോ.ജോണ്‍സണ്‍ ആളൂര്‍, പി.വി.ജോസഫ്, എം.വി.സേവ്യാര്‍, െജസ്സി വില്‍സണ്‍, എ.കെ.ബാബു, കെ.വി.സണ്ണി സംസാരിച്ചു.