പട്ടാമ്പി: ഓങ്ങല്ലൂര്‍ അല്‍ഹുദാ ഇംഗ്ലീഷ് മീഡിയം സ്‌കൂളില്‍ നിര്‍മിച്ച സയ്യിദ് മുഹമ്മദലി ശിഹാബ് തങ്ങള്‍ മെമ്മോറിയല്‍ ബ്ലോക്ക് ഉദ്ഘാടനം 16ന് വൈകീട്ട് മൂന്നിന് പാണക്കാട് സയ്യിദ് ഹൈദരലി ശിഹാബ് തങ്ങള്‍ നിര്‍വഹിക്കും.
എസ്.എസ്.എല്‍.സി പരീക്ഷയില്‍ സ്ഥാപനത്തില്‍നിന്നും ഉന്നത വിജയം നേടിയ വിദ്യാര്‍ത്ഥിക്കുള്ള ശിഹാബ് തങ്ങള്‍ മെമ്മോറിയല്‍ പുരസ്‌കാരം പി.കെ. കുഞ്ഞാലിക്കുട്ടി വിതരണം ചെയ്യും. കെ. മമ്മദ് ഫൈസി അധ്യക്ഷനാകും.
ശിഹാബ് തങ്ങള്‍ അനുസ്മരണ പ്രഭാഷണം അന്‍വര്‍ മുഹ്‌യദ്ദീന്‍ ഹുദവി ആലുവ നടത്തും. പുതിയ ഐ.ടി ലാബ് ഉദ്ഘാടനം ഡോ. എം. അബ്ദുല്‍റഹ്മാന്‍ നിര്‍വഹിക്കും. അല്‍ഹുദാ സ്‌കൂളിലെ മൈനോറിറ്റി കോച്ചിങ് സെന്ററിലെ പരിശീലനത്തില്‍ പി.എസ്.സി ലിസ്റ്റില്‍ ഉള്‍പെട്ടവര്‍ക്കുള്ള പുരസ്‌കാരം സി.പി.എ. ബാവ ഹാജി വിതരണം ചെയ്യും. എ.എം. നാരായണന്‍, സി.എ.എം.എ. കരീം, ടി.കെ. ഹമീദ്, ടി. സുരേഷ്, സി.കെ. അബ്ദുള്ളമാസ്റ്റര്‍, ടി. യൂസുഫ് പ്രസംഗിക്കും.