കൂത്തുപറമ്പ്: പാതിരിയാടിനു സമീപം വാളാങ്കിച്ചാലില്‍ സി.        പി.എം പടുവിലായി ലോക്കല്‍ കമ്മിറ്റി അംഗവും വളാങ്കിച്ചാല്‍ ബ്രാഞ്ച് സെക്രട്ടറിയുമായ കെ മോഹന(52)നെ വെട്ടി കൊലപ്പെടുത്തിയ കേസില്‍ രണ്ട് ആര്‍.എസ്.എസ് പ്രവര്‍ത്തകര്‍ അറസ്റ്റില്‍. വേങ്ങാട് കുരിയോട്ടെ അരയിടത്ത് വീട്ടില്‍ രാഹുല്‍(20), രാജ് നിവാസില്‍ രൂപേഷ്(21) എന്നിവരാണ് അറസ്റ്റിലായത്. വ്യാഴാഴ്ച കണ്ണൂരില്‍ വച്ചാണ് ഇവര്‍ പിടിയിലായത്. കൊലയാളി സംഘത്തിന് മോഹനനെ കാട്ടിക്കൊടുത്തുവെന്നാണ് ഇവര്‍ക്കെതിരെയുള്ള കുറ്റമെന്ന് പൊലിസ് പറഞ്ഞു. ഇവര്‍ സഞ്ചരിച്ച ബൈക്കും പൊലിസ് കസ്റ്റഡിയിലെടുത്തു. ഇക്കഴിഞ്ഞ തിങ്കളാഴ്ച രാവിലെയായിരുന്നു വാളാങ്കിച്ചാലിലെ കള്ളുഷാപ്പിലെ ജീവനക്കാരനായ മോഹനനെ അക്രമിസംഘം കൊലപ്പെടുത്തിയത്. അറസ്റ്റിലായ പ്രതികളെ കൂത്തുപറമ്പ് ജുഡീഷല്‍ ഒന്നാം ക്ലാസ് മജിസ്‌ട്രേട്ടു കോടതി റിമാന്റു ചെയ്തു.